សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នារីម្នាក់បានរងរបួសដៃខាងស្តាំ ត្រូវបានបញ្ជូនតាមរ៉ឺម៉កកង់បីទៅសង្គ្រោះភ្លាមៗ ខណៈកំពុងឈប់ចាំស្តុបក្រហមស្របនិងរថយន្តម៉ាកម៉ាស្តាហើយត្រូវរថយន្តកុងតឺន័របើកមកកៀរ បណ្តាលឲ្យគៀបជាប់នឹងរថយន្ត កាលពីវេលាម៉ោង១០និង១០នាទីព្រឹក ថ្ងៃទី១០ ខែសីហា ឆ្នាំ២០១៧ នៅចំណុចផ្លូវវេងស្រង ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ។
តាមសាក្សីនៅកន្លែងកើតហេតុបានឲ្យដឹងថា នៅមុនពេលកើតហេតុគេបានឃើញនារីម្នាក់ជិះម៉ូតូម៉ាកធូដេពណ៍ឈាមជ្រូក គ្មានស្លាកលេខធ្វើដំណើរតាមបណ្តោយផ្លូវបេតុង ក្នុងទិសដៅពីត្បូងទៅជើង ខណៈមកដល់ចំណុចស្តុបផ្លូវវេងស្រេង ដោយសារតែភ្លើងស្តុបពណ៍ក្រហម ទើបឈប់ចាំទន្ទឹមនឹងរថយន្តមួយគ្រឿងម៉ាកម៉ាស្តា ពណ៍ទឹកប្រាក់ ពាក់ស្លាកលេខ ភ្នំពេញ2Y 5188 ។
សាក្សីដដែលបានបន្តថា ភ្លាមនោះស្រាប់តែមានរថយន្តកុងតឺន័ររបស់ក្រុមហ៊ុនផែស្ងួត សុកន ពណ៍ខៀវ ពាក់ស្លាកលេខ ភ្នំពេញ 3A 3427 ធ្វើដំណើរតាមបណ្តោយផ្លូវវេងស្រេង ក្នុងទិសដៅពីកើតទៅលិចហើយបានបត់ឆ្វេងទៅត្បូងដោយសារតែកន្ទុយវែងពេក ក៏គាប់ម៉ូតូជាមួយនឹងរថយន្តម៉ាស្តារងរបួសអ្នកជិះម៉ូតូ។
ក្រោយពេលកើតហេតុ ជនរងគ្រោះត្រូវបានបញ្ជូនទៅសង្គ្រោះភ្លាមៗ ហើយត្រូវបានសមត្ថកិច្ចសម្របសម្រួលដោយភាគីខាងរថយន្តកុងតឺន័រចេញថ្លៃខូចខាតទាំងរថយន្ត និងម៉ូតូរួមទាំងថ្លៃព្យាបាលដើម្បីបញ្ចប់រឿងនៅកន្លែងកើតហេតុ៕ សុខាសែនជ័យ
