ប្រុស ស្រី៤នាក់ត្រូវសមត្ថកិច្ចឃាត់ខ្លួនពាក់ព័ន្ធគ្រឿងញៀន

ភ្នំពេញៈ ជនសង្ស័យប្រុសស្រី៤នាក់ ត្រូវបានកម្លាំងសមត្ថកិច្ចល្បាតចំការមន កំពុងឈរស្ពាយការបូបដោយមានកាសង្ស័យ ក៏​ឃាត់ខ្លួន ដោយ​ឆែកឆេររកឃើញថ្នាំញៀន៣កញ្ចប់តូច និង ជញ្ជីងសម្រាប់ថ្លឹងគ្រឿងញៀនមួយ។

ហេតុការណ៍នេះ បានកើតឡើងកាលពីវេលាម៉ោង៩ និង ៣០នាទីយប់ថ្ងៃទី១៧ខែសីហា ឆ្នាំ២០១៧ មួយចំណុចនៅតាមបណ្ដោយផ្លូវ២៧១ ស្ថិតក្នុងសង្កាត់ទួលទំពួង២ និង មួយចំណុចទៀតនៅតាមបណ្ដោយផ្លូវ៣៤៨ ស្ថិតក្នុងសង្កាត់បឹងកេងកង៣ ខណ្ឌចំការមន រាជធានីភ្នំពេញ។

សមត្ថកិច្ចបានឲ្យដឹងថា ជនសង្ស័យ ១ឈ្មោះ នុត សុជាតិ ភេទស្រី អាយុ៤០ ឆ្នាំ មុខរបមិន​ពិតប្រាដក ស្នាក់ម្ដុំផ្លូវលេខ២៧១ ស្ថិតក្នុងសង្កាត់ទួលទំពួង២ ខណ្ឌចំការមន។

ជនសង្ស័យ២ឈ្មោះ ញែ៉ម ស្រីម៉ានី ភេទស្រី អាយុ៣១ឆ្នាំ មុខរបមិន​ពិតប្រាដក ស្នាក់ម្ដុំផ្លូវលេខ២៧១ ស្ថិតក្នុងសង្កាត់បឹងទំពុន ខណ្ឌមានជ័យ។

ជនសង្ស័យ ៣ ឈ្មោះ យឿន ផៃ ភេទប្រុស អាយុ១៧ ឆ្នាំ មុខរបមិន​ពិតប្រាដក ស្នាក់ម្ដុំសង្កាត់មនោរម្យ ខណ្ឌ៧មករា។

ជនសង្ស័យ៤ ឈ្មោះ លី ប្រុសខួចភេទប្រុស អាយុ១៩ ឆ្នាំ មុខរបមិន​ពិតប្រាដក ស្នាក់ម្ដុំសង្កាត់អូរឡាំពិត ខណ្ឌចំការមន។

បើតាមសម្ដីពីសមត្ថកិច្ចខណ្ឌចំការមន បានឲ្យដឹងថា មុនកើតហេតុកម្លាំងសមត្ថកិច្ច បានជិះ​ល្បាតនៅនៅចំណុចខាងលើ ក៏ប្រទះឃើញស្រ្តីជនសង្ស័យទាំងពីរដើ​រស្ពាយកាបូប ក៏មានការសង្ស័យហៅឈប់សួរនាំ នឹងឆែកឆេរនៅក្នុងកាបូបស្ពាយ ក៏បានរកឃើញថ្នាំញៀន១កញ្ចប់តូច និង ជញ្ចីងមួយគ្រឿង ជាឧបរណ៍កសម្រាប់ថ្លឹងគ្រឿងញៀន និង មួយចំណុចទៀតជនសង្ស័យ២នាក់ខាងលើកំពុងជិះម៉ូតូម៉ាកMSX ពណ៍ស អត់ពាក់ស្លាកលេខដោយមានការសង្ស័យហៅឈប់សួរនាំ នឹងឆែកឆេរនៅក្នុងកាបូបស្ពាយ ក៏បានរកឃើញថ្នាំញៀន២កញ្ចប់តូច។

បច្ចុប្បន្នជនសង្ស័យទាំង៤នាក់ត្រូវបាននគរបាលរដ្ឋបាលខណ្ឌចំការមន កសាងសុំណំរឿងចាត់ការទៅតាមច្បាប់៕ ស រស្មី