សារព័ត៌មាន នគរវត្ត តែងតែនាំមុខគេជានិច្ច
ខេត្តត្បូងឃ្មុំ៖ ផ្លូវលំចំនួន៤ខ្សែស្ថិតនៅក្នុងស្រុកតំបែរ និងស្រុកត្បូងឃ្មុំ ត្រូវបាន ដាក់ឲ្យដេញថ្លៃ ហើយកាលពីថ្ងៃទី១៨ ខែកញ្ញា ឆ្នាំ២០១៧។ ការដេញថ្លៃនេះក្រុមហ៊ុន ដេញថ្លៃនៅតែមិនចោលវប្បធម៌បោះមេថ្លៃទឹកតែតាមបែបពុករលួយដដែល។
មតិមហាជនសង្កេតឃើញថា ក្រុមហ៊ុនមកចូលរួមដេញថ្លៃមានមនុស្សស្ទើររាប់ រយក្រុមហ៊ុន តែពេលដាក់សំណើដេញ ថ្លៃគេឃើញតែ៩ក្រុមហ៊ុនទេដែលបាន ដាក់សំណើដេញថ្លៃចំនួន៣គម្រោងនៅ ក្នុងស្រុកតំបែរ។ ចំណែកមួយគម្រោង ទៀតនៅក្នុងឃុំគរ ស្រុកត្បូងឃ្មុំ ក៏មាន តែ៣ក្រុមហ៊ុនដែរ ដែលដាក់សំណើដេញថ្លៃ។ ដោយឡែកក្រុមហ៊ុនផ្សេងទៀតត្រូវ បានអ្នកបោះមេថ្លៃទឹកតែចាប់ទាញប្រតាយ ប្រតប់គ្នានៅខាងក្រៅមិនឲ្យចូលទៅដាក់ សំណើដេញថ្លៃទេព្រោះថាក្រុមហ៊ុននោះ ទារថ្លៃទឹកតែខ្ពស់ពេក។
តែទោះជាយ៉ាងណាក៏អ្នកចាំយកថ្លៃទឹក តែនៅតែសប្បាយចិត្តទាំងអស់គ្នាដោយ សារតែមានការចរចាថ្លៃទឹកតែត្រូវរ៉ូវគ្នា ដោយតម្លៃធ្លាក់ចុះបន្តិចបន្តួចតែប៉ុណ្ណោះ។
ការដេញថ្លៃនៅក្នុងឃុំតំបែរតម្លៃប៉ាន់ ស្មានដាក់ឲ្យដេញថ្លៃគឺ៥៤.៦៨៨.១៥៧ រៀលបានទៅលើក្រុមហ៊ុន ជា កក្កដា ត្រូវរូ៉វ គ្នាក្នុងតម្លៃ៥៤.៣៦០.០០០រៀល ឃុំសេដា តម្លៃប៉ាន់ស្មានដាក់ឲ្យដេញថ្លៃ គឺ៧៩.១៧៧.០៦៥រៀលបានទៅលើ ក្រុមហ៊ុន ហង្ស សុខគួយ ត្រូវរ៉ូវគ្នាក្នុងតម្លៃ ៧៧.៧៦០.០០០រៀល ឃុំគោកស្រុក តម្លៃប៉ាន់ស្មានដាក់ឲ្យដេញថ្លៃគឺ ៥៤. ២៧១.៣០៥រៀល បានទៅលើក្រុមហ៊ុន ឡេង សេងហុង ត្រូវរ៉ូវគ្នាក្នុងតម្លៃ៥១.៥០០.០០០រៀល និងឃុំគរ ស្ថិតក្នុងស្រុក ត្បូងឃ្មុំ តម្លៃប៉ាន់ស្មានដាក់ឲ្យដេញថ្លៃគឺ ៧៨.០៥៥.៤៨២រៀល បានទៅលើក្រុម ហ៊ុន វេង ស្រ៊ុន ត្រូវរូ៉វគ្នាក្នុងតម្លៃ ៧៥.៦៧៧.២០០រៀល។ ឃើញថាការចុះ តម្លៃតិចបំផុតវាផ្ទុយពីការដេញថ្លៃផ្លូវ នៅ ក្រុងសួងខេត្តត្បូងឃ្មុំតម្លៃប៉ាន់ស្មានជាង ១០០លានរៀលចុះតម្លៃនៅសល់ តែជាង ១០លានរៀល នៅមានក្រុមហ៊ុនគេអាច ធ្វើបានទៀត។
ក្នុងឱកាសដេញគម្រោងនោះដែរលោក នាដ្ឋ រ៉ាវុធ អភិបាលស្រុកតំបែរថ្លែងថា ក្រុមហ៊ុនមកដេញថ្លៃឃើញថាច្រើនស្ទើរ រាប់រយក្រុមហ៊ុនតែពេលដាក់សំណើដេញ ថ្លៃ១គម្រោងមានតែ៣ក្រុមហ៊ុនអ៊ីចឹងទៅ វិញ។ លោកបានបន្តទៀតថា តើអ្នកផ្សេង ទៀតគេមកធ្វើអី? ៕ ហេង នរិន្ទ្រ
