សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យុវជន២នាក់ ត្រូវបានកម្លាំងប៉ុស្តិ៍នគរបាលរដ្ឋបាលសង្កាត់ឃ្មួញឃាត់ខ្លួនករណីរក្សាទុកនូវសារធាតុគ្រឿងញៀនខុសច្បាប់ចំនួន២កញ្ចប់ថង់តូចនៅជាប់ខ្លួនយកទៅប្រើប្រាស់។
ការឃាត់ខ្លួនយុវជនទាំងពីនាក់ខាងលើនេះធ្វើឡើងកាលពីម៉ោង១៩និង៣០នាទីយប់ ថ្ងៃទី២៨ ខែកញ្ញា ឆ្នាំ២០១៧ នៅចំណុចផ្លូវហ្គ្រេនភ្នំពេញ ភូមិអន្លង់ក្ងាន សង្កាត់ឃ្មួញ ខណ្ឌសែនសុខ។
ប៉ូលិសនិយាយថា យុវជនទាំងពីនាក់ដែលឃាត់ខ្លួននោះទី១ ឈ្មោះ គឹម វាសនា អាយុ២០ឆ្នាំ មុខរបរជាងភ្លើងស្នាក់នៅសង្កាត់បឹងព្រលឹត ខណ្ឌ៧មករា ជនសង្ស័យទី២ ឈ្មោះ ហេង ម៉ាឡា អាយុ២១ឆ្នាំ មុខរបរកម្មករ ស្នាក់នៅភូមិវិមានទ្រុង សង្កាត់ក្រាំងធ្នង់ ខណ្ឌសែនសុខ។
លោក ញាណ នន នាយប៉ុស្តិ៍នគររដ្ឋបាលសង្កាត់ឃ្មួញបានប្រាប់ថាមុនឃាត់ខ្លួនជនសង្ស័យទាំងពីនាក់ខាងលើគឺកម្លាំងប៉ុស្តិ៍នគរបាលរដ្ឋបាលឃ្មួញកំពុងល្បាតក្នុងមូលដ្ឋានដើម្បីទប់ស្កាត់បទល្មើស ដែលអាចកើតមានពេលនោះ ក៏ឃើញជនសង្ស័យខាងលើកំពុងជិះម៉ូតូមួយគ្រឿងម៉ាកSUZUKI nex ពណ៌ក្រហមស្លាកលេខភ្នំពេញ1DQ-2921 ឌុបគ្នាដោយមានការសង្ស័យក៏ហៅត្រួតពិនិត្យហើយ ក៏ឃើញថ្នាំញៀនប្រភេទក្រាមសថ្លាចំនួន២កូនថង់តូច ដែលពួកគេបានរក្សាទុកជាប់ខ្លួន រួច ក៏នាំខ្លួនមកកាន់អធិការដ្ឋាននគរបាលខណ្ឌដើម្បីសាកសួរ និងធ្វើតេស្តទឹកនោមឃើញថា អ្នកទាំង២មានផ្ទុកនូវសារធាតុញៀនថែមទៀតផង។
បច្ចុប្បន្នជនទាំង២នាក់ត្រូវបានឃាត់ខ្លួនបណ្តោះអាសន្ននៅអធិកាដ្ឋាននគរបាលខណ្ឌសែនសុខ និងបន្តនីតិវិធីបញ្ជួនទៅសាលាដំបូងរាជធានីភ្នំពេញចាត់ការបន្តនៅពេលក្រោយ៕ តុង សីហា
