សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ រថយន្តទំនើបម៉ាកFord ដែលបើកដោយបុរសម្នាក់ស្រវឹងស្រា ធ្វើដំណើរក្នុងល្បឿនយ៉ាងលឿន ហើយរេចង្កូតជ្រុលបុកលូ ដែលធ្វើជារបាំងផ្លូវបណ្ដាល ឲ្យរថយន្តបង្ករងការខូចខាតផ្នែកខាងមុខទាំងស្រុងតែម្ដង ។
ករណីគ្រោះថ្នាក់ចរាចរណ៍ខាងលើនេះ បានកើតឡើងនៅវេលាម៉ោង ០១យប់ រំលងអធ្រាត្រ ឈានចូលថ្ងៃទី៣០ ខែកញ្ញា ឆ្នាំ២០១៧ នៅតាមបណ្តោយផ្លូវ៤៣០ ស្ថិតក្នុង សង្កាត់ផ្សារដើមថ្កូវ ខណ្ឌ ចំការមន រាជធានីភ្នំពេញ ។
យោងតាមប្រភពព័ត៌មានពីកន្លែងកើតហេតុ បានឲ្យដឹងថា រថយន្តបង្កខាងលើម៉ាកford ពណ៌ទឹកក្រូច អត់ពាក់ស្លាកលេខ បើកបរ ដោយបុរសម្នាក់ វ័យជាង៤០ឆ្នាំ ហើយស្រវឹងស្រា បានធ្វើដំណើតាមបណ្តោយផ្លូវបេតុង ទិសដៅ ពីជើង ទៅត្បូង ក្នុងល្បឿនយ៉ាងលឿន ។លុះមកដល់ចំណុចកើតហេតុរថយន្តបង្កក៏បានរេចង្កូត បុកលូ ដែលដាក់បាំងផ្លូវ ទើបចាក់បេតុងរួច បណ្ដាលឲ្យរងការខូចខាតយ៉ាងដំណំទាំងរថយន្តបង្ក និងលូ ។ បន្ទាប់ពីកើតហេតុភ្លាមៗ រថយន្តបង្កបានបើកទៅមុខ តែមិនរួច ទើបអ្នកបើកបរចុះពី រថយន្តព្យាយាម រត់គេចចខ្លួនបាត់ស្រមោលតែម្ដង ។
ក្រោយមក សមត្ថកិច្ចមូលដ្ឋានបានចុះមកដល់កន្លែងកើតហេតុ ហើយវាស់វែងយករថយន្តបង្កខាងលើ ទៅរក្សាទុក នៅការិយាលយ័ចរាចរណ៍ ផ្លូវគោករាជធានីភ្នំពេញ រងចាំដោះស្រាយ គ្នាទៅតាមផ្លូវច្បាប់ ៕ ភារ៉ា ដង្កោ
