បើករ៉ឺម៉កដឹកដែកឆ្លងស្ពានជ្រុលបុកបង្គោលថ្ម និងផ្ទាំងប៉ាណូធ្លាក់ពីស្ពានបាក់កស្លាប់

ភ្នំពេញ៖ បុរសម្នាក់បានបាក់កស្លាប់តែមួយប៉ព្រិចភ្នែក ខណៈដែលកំពុងបើករ៉ឺម៉កដឹកដែកបម្រុងឆ្លងស្ពាននោះ ស្រាប់តែវាក់ជាមួយរថយន្តមួយគ្រឿង ក៏ចាប់ហ្វ្រាំងម៉ូតូរ៉ឺម៉កទាំងបង្ខំអូសជាង១០ម៉ែត្ររួចជ្រុលចង្កូតទៅបុកបង្គោលថ្ម និងផ្ទាំងប៉ាណូ ហើយបុរសរងគ្រោះធ្លាក់ចុះពីលើស្ពានបាក់កស្លាប់តែម្តង។

ករណីនេះបានកើតឡើងកាលពីថ្ងៃទី១៩ ខែតុលា ឆ្នាំ២០១៧ ស្ថិតនៅចំណុចស្អានទឹកស្អុយ សង្កាត់បឹងទំពុន ខណ្ឌមានជ័យ រាជធានីភ្នំពេញ។

ជនរងគ្រោះឈ្មោះ ស្វាយ ចាន់ថន ឆ្នាំកំណើត១៩៩២ ស្រុកកំណើតភូមិត្រពាំងស្តៅ ឃុំត្រពាំងស្តៅ ស្រុករមាសហែក ខេត្តស្វាយរៀង៕ ជឹម ភារ៉ា