សារព័ត៌មាន នគរវត្ត តែងតែនាំមុខគេជានិច្ច
ភ្នំពេញៈ សមត្ថកិច្ចខណ្ឌ៧មករា បានប្រកាសស្វែងរកម្ចាស់រថយន្តម៉ាក ហាយឡែនឌ័រមួយគ្រឿង ពណ៌ទឹកប្រាក់ ពាក់ស្លាកលេខ ភ្នំពេញ 2Q.4762 ដែលយកមកទុកចោលនៅក្នុងស្តាតអូរឡាំពិក នៅកន្លែងបាល់ទះ ៥ថ្ងៃហើយ ក៏ត្រូវសមត្ថកិច្ចខណ្ឌ៧មករា យកមករក្សាទុក ។
បើតាមសម្ដីពីលោក រស់ ស៊ីណា នាយកផ្នែកព្រហ្មទណ្ឌខណ្ឌ៧មករា បានឲ្យសារព័ត៌មាននគរវត្តដឹងថា រថយន្តម៉ាក ហាយឡែនឌ័រ មួយគ្រឿង ពណ៌ទឹកប្រាក់ ពាក់ស្លាកលេខ ភ្នំពេញ 2Q.4762 ខាងលើដែលយកមកទុកចោលនៅក្នុងស្តាតអូរឡាំពិកនៅកន្លែងបាល់ទះ ៥ថ្ងៃហើយក៏ត្រូវសមត្ថកិច្ចខណ្ឌ៧មករា យកមករក្សាហើយចឹងសូមឆាប់មកយកវិញផង។
ប្រភពបន្តបានឲ្យដឹងថា រថយន្តម៉ាក ហាយឡែនឌ័ ខាងលើនេះគេសង្ស័យថា ត្រូវជនសង្ស័យលួចបានហើយ តែដោយសារគិតថា រត់មិនរួច ទើបយក រថយន្ត មកចតទុកចោលនៅក្នុងស្តាតអូរឡាំពិកនៅកន្លែងបាល់ទះតែម្តង៕ ស រស្មី
