សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ លោកឧត្តម សេនីយ៍ត្រីស៊ុន សុផាតស្នងការរងទទួលផែនប្រឆាំងបទល្មើសបានឲ្យដឹងថា៖ នៅវេលាម៉ោងប្រមាណ២១:៤៥នាទី ថ្ងៃទី១ខែវិច្ឆិកា ឆ្នាំ២០១៧ កន្លងទៅនេះ សមត្ថកិច្ចនគរបាល បានចង្ក្រាបមុខសញ្ញាគ្រឿងញៀនមួយករណីនាក់ នៅមុខរោងចក្រញូស្តារឃ្លាំងលេី ភូមិ១ សង្កាត់លេខ១ ក្រុងព្រះសីហនុ ។
សមត្ថកិច្ចបានបញ្ជាក់ប្រាប់ភ្នាក់ងារព័ត៌មាននគរវត្តថា ជនសង្ស័យឃាត់ខ្លួន៣នាក់៖ ១,ឈ្មោះតាន វង្ស ភេទប្រុស អាយុ២៩ឆ្នាំ ស្នាក់នៅផ្ទះជួល មុខរោងចក្រញូស្តារឃ្លាំងលេី សង្កាត់លេខ១ ក្រុងព្រះសីហនុ មុខរបរកម្មកររោងចក្រកាត់ដេរ ២,ឈ្មោះ ង៉ាន់ វណ្ណរ៉ា ភេទប្រុស អាយុ២៩ឆ្នាំ ស្នាក់នៅផ្ទះជួល សង្កាត់លេខ១ ក្រុងព្រះសីហនុ មុខរបរជាងថតរូប និង ៣,ឈ្មោះ នន់ ថូ ភេទប្រុស អាយុ២៨ឆ្នាំ ស្នាក់នៅផ្ទះជួល សង្កាត់លេខ១ ក្រុងព្រះសីហនុ មុខរបរកម្មករសំណង់។
ជាមួយគ្នានេះ សមត្ថកិច្ចបានចាប់យកបានថ្នាំញៀន មេតំហ្វេតាមីន ចំនួន៤កញ្ចប់ទូរស័ព្ទដៃ២ ដាវ និងបំពង់ទីប ២ដើម ។
លោកវរសេនីយ៍ទោសួស សីលា នាយការិយាល័យនគរបាលប្រឆាំងគ្រឿងញៀន បានឲ្យដឹងថា ៖ ឈ្មោះតាន វង្ស ជាមុខសញ្ញាលក់ចែកចាយថ្នាំញៀន ។ ក្រោយពេលធ្វើតេស្ដ ជនទាំង៣មាន ចំណុចវិជ្ជមានទាំងអស់គ្នា។
ករណីនេះ សមត្ថកិច្ចជំនាញកំពុងកសាងសំណុំរឿងតាមនីតិវិធីបញ្ជូនទៅសាលាដំបូងខេត្ត ៕ ឆ្លាម សមុទ្រ
