សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅវេលាម៉ោង៣និង៣០នាទីរសៀលថ្ងៃទី១៦ខែ វិច្ឆិកា ឆ្នាំ ២០១៧ គណៈបញ្ចាការខណ្ឌចំការមនសហការជាមួយសន្តិសុខក្នុងកោះពេជ្រ បានចុះរដ្នបាលនៅក្នុងកោះពេជ្រដើម្បីរក្សាសន្តិសុខជូនដល់បងប្អូនកម្មករ ដែលបាននៅចំណុចបរិវេនកោះពេជ្រ ក្រុម៧៨ ស្ថិតនៅភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
ក្នុងការចុះរដ្នបាលខាងលើដឹកនាំដោយលោក ហ៊ាង ថារ៉េតអធិការរងខណ្ឌចំការមន និងចៅសង្កាត់ លោក ខាត់ ណារិទ្ឋរួមជាមួយសន្តិសុខក្នុងកោះពេជ្រ នៅចំណុចរោងកម្មករស្នាក់នៅក៏ធ្វើការត្រួតពិនិត្យដើម្បីរក្សាសន្តិសុខជូនដល់បងប្អូនកម្មករផងដែរ ។
ក្រោយពីគណៈបញ្ចាការខណ្ឌចំការមនចុះរដ្នបាលនៅក្នុងកោះពេជ្រក៏បានធ្វើការសាកសួរបងប្អូនកម្មករតើមានផលលំបាក់អី្វខ្លះ បងប្អូនកម្មករបានប្រាប់ទៅគណៈបញ្ចាការខណ្ឌចំការមន ថាមិនមានផលលំបាក់អ្វីសំរាប់ពួកគាត់ទេ ៕ ស រស្មី
