សារព័ត៌មាន នគរវត្ត តែងតែនាំមុខគេជានិច្ច
ខេត្តតាកែវ៖ ថ្ងៃទី២១ ខែវិច្ឆិកា ឆ្នាំ២០១៧ វេលាម៉ោង២១ និង១៨ នាទីមានករណីគ្រោះថ្នាក់ចរាចរណ៍មួយបានកើតឡើងដែលបណ្តាលឲ្យរបួសធ្ងន់ស្រាល២នាក់ នៅលើផ្លូវជាតិលេខ២ ចន្លោះគីឡូម៉ែត្រ ១២០ទៅ ១២១ ត្រង់ចំណុចភូមិពោធិ៍ ឃុំព្រះបាទជាន់ជុំ ស្រុកគិរីវង់ ខេត្តតាកែវ ។
យោងតាមរបាការណ៍របស់អធិការដ្ឋាននគរបាលស្រុកគិរីវង់ បានឲ្យដឹងថា ករណីគ្រោះថ្នាក់ខាងលើកើតឡើងរវាងម៉ូតូ និងម៉ូតូ ដែលធ្វើដំណើរបញ្ច្រាសទិសគ្នា ដែលម៉ូតូទី១ម៉ាកវ៉េវ ពណ៌ខ្មៅ គ្មានស្លាកលេខ បើបរដោយឈ្មោះ កួច គួយ ភេទប្រុស អាយុ២៣ឆ្នាំ រស់នៅភូមិជ្វាថ្មី ឃុំភ្នំឌិន ស្រុកគិរីវង់ ខេត្តតាកែវ រងរបួសធ្ងន់ ដោយធ្វើដំណើរពីជើងទៅត្បូងក្នុងល្បឿនលឿន ទៅបុកជាមួយម៉ូតូមួយគ្រឿងទៀតម៉ាក អ៊ាវលេត ពណ៌ស្លាទុំ គ្មានស្លាកលេខ បើកបរដោយឈ្មោះ លឿង សុផាត ភេទប្រុស អាយុ២៤ឆ្នាំ រស់នៅភូមិត្រើយទន្លាប់ ឃុំព្រះបាទជាន់ជុំ ស្រុកគិរីវង់ ខេត្តតាកែវ បានរងរបួស្រាល ។
ក្រោយពីកើតហេតុអ្នករងរបួសស្រាលត្រូវបានបញ្ជូនទៅកាន់មន្ទីរពេទ្យបង្អែកខេត្តតាកែវ ដើម្បីព្យាបាល ចំណែកវត្ថុតាងត្រូវបានកម្លាំងជំនាញយកមករក្សាទុកនៅអធិការដ្ឋាននគរបាលស្រុកគិរីវង់បណ្តោះអាសន្ន៕ ភ្នំដា
