យុវជនម្នាក់ជិះម៉ូតូដួលនៅជិតផ្សារអូរចំណាររបួសធ្ងន់

ខេត្តព្រះសីហនុ៖ មន្ត្រីនគរបាលស្នងការនគរបាលខេត្តព្រះសីហនុបានឲ្យដឹងថា នៅវេលាម៉ោង៧ និង២០នាទី ថ្ងៃទី២៧ ខែវិច្ឆិកា ឆ្នាំ២០១៧ មានគ្រោះថ្នាក់ចរាចរណ៍មួយកើតឡើង នៅផ្លូវជាតិលេខ៤ ត្រង់ចន្លោះគីឡូម៉ែត្រលេខ១៩៤-១៩៥ ស្ថិតក្នុងភូមិអូរចំណារ ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ។

ប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេឃើញម៉ូតូ១គ្រឿង ម៉ាកហុងដាឌ្រីម ខេ១២៥ ពណ៌ខ្មៅ ពាក់ស្លាកលេខ តាកែវ 1M-0859 បើកបរដោយឈ្មោះ ណាង ទក្ខិណា ភេទប្រុស អាយុ២៣ឆ្នាំ មានទីលំនៅភូមិឈ្វា ឃុំច្រេះ ស្រុកជំគិរី ខេត្តកំពត បើកបរក្នុងទិសដៅពីកើតទៅលិច។ លុះមកដល់ចំណុចខាងលើ ក៏បានដួលដោយខ្លួនឯង បណ្ដាលឲ្យអ្នកបើកបរម៉ូតូរបួសធ្ងន់ ត្រូវបានបញ្ជូនទៅសង្គ្រោះនៅគ្លីនិកលិគឹមឌីវាលរេញភ្លាមៗ។

ប្រភពខាងលើបានឲ្យដឹងថា ជនរងគ្រោះឈ្មោះ ណាង លក្ខិណា ភេទប្រុស។

ក្រោយកើតហេតុ ម៉ូតូរបស់ជនរងគ្រោះ សមត្ថកិច្ចនគរបាលចរាចរបានយកមករក្សាទុកនៅ អធិការដ្ឋាននគរបាលស្រុកព្រៃនប់រង់ចាំប្រគល់ឲ្យជនរងគ្រោះវិញនាពេលក្រោយ៕ ឆ្លាម សមុទ្រ