សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ មន្ត្រីនគរបាលនៃស្នងការដ្ឋាននគរបាលខេត្តព្រះសីហនុ បានឲ្យដឹងថា កាលពីរសៀល ថ្ងៃ២៧ ខែវិច្ឆិកា ឆ្នាំ២០១៧ កម្លាំងនគរបាលស្រុកស្ទឹងហាវ សហការជាមួយនគរបាលប៉ុស្ដិ៍រដ្ឋបាលអូរត្រេះ ចុះបង្រ្កាបបទល្មើសគ្រឿងញៀនករណីដោយបានឃាត់ខ្លួនជនសង្ស័យម្នាក់រួមទាំងវត្ថុតាងមួយចំនួនទៀត។
មន្ត្រីចុះបង្ក្រាបបានប្រាប់ថា ជនសង្ស័យដែលឃាត់ខ្លួនឈ្មោះ គង់ សំរ៉ង ភេទប្រុស អាយុ២៣ឆ្នាំ មុខរបរសន្តិសុខឯកជន រស់នៅភូមិ២ ឃុំអូរត្រេះ ស្រុកស្ទឹងហាវ ខេត្តព្រះសីហនុ។
មន្ត្រីដដែលបានបន្តថា ជាមួយគ្នានោះដែរ សមត្ថកិច្ចបានដកហូតថ្នាំញៀន១៤កញ្ចប់ ដែលជនសង្ស័យរក្សាទុកចែកចាយបន្ត។
បច្ចុប្បន្ន សមត្ថកិច្ចកំពុង កសាងសំណុំរឿងតាមនីតិវិធីបញ្ជូនទៅសាលាដំបូងខេត្ត ដើម្បីចាត់ការតាមច្បាប់៕ ឆ្លាម សមុទ្រ
