សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ មានការភ្ញាក់ផ្អើលដល់អ្នក ធ្វើដំណើរ ក៏ដូចជាអ្នកភូមិនាំគ្នាជួយចាប់បុរសម្នាក់ បានប៉ុនប៉ងសម្លាប់ខ្លួន រត់ចូលរថយន្តជាច្រើនដង និងគំរាមយកកាំបិតបុ័ងតោបម្រុងអារកខ្លួនឯង ដោយសង្ស័យសរសៃប្រសាទ ខណៈផឹកស្រាស្រវឹងមិនលួសថ្ងៃ។
ហេតុការណ៍ភ្ញាក់ផ្អើលនេះ បានកើតឡើងកាលពីវេលាម៉ោង១២ ថ្ងៃទី២៩ ខែវិច្ឆិកា ឆ្នាំ២០១៧ ស្ថិតនៅភូមិលាប ឃុំកណ្ដៀងរាយ ស្រុកស្វាយទៀប ខេត្តស្វាយរៀង។
យោងតាមអ្នកភូមិបានឲ្យដឹងថា បុរសសង្ស័យសរសៃប្រសាទមានឈ្មោះ សំអុន អាយុជាង២០ឆ្នាំ មុខរបរមិនពិតប្រាកដ មានទីលំនៅក្បែរកន្លែងកើតហេតុ។
ប្រភពបន្តថា បុរសនេះគឺផឹកស្រាស្រវឹងជាប្រចាំមិនលួសថ្ងៃឡើយ ខណៈដែលពេលស្រវឹង តែងតែបង្ករឿងដល់ក្រុមគ្រួសារ និងរត់ចូលរថយន្តជាច្រើនដង ប៉ុន្តែត្រូវបានក្រុមគ្រួសារឃើញ ក៏ចាប់ឃាត់យកមកផ្ទះ។
ប៉ុន្តែនៅពេលកើតហេតុ បុរសឈ្មោះ សំអុន នេះបានស្រវឹងស្រាជោក ព្រមទាំងគំរាមយកយកកាំបិតបុ័ងតោបំរុងនឹងអារកខ្លួនឯង និងរត់ចូលរថយន្ត ប៉ុន្តែត្រូវបានអ្នកធ្វើដំណើរក៏ដូចអ្នកភូមិដេញចាប់ និងចងដៃចងជើងលើកដាក់ខាងក្រោមផ្ទះ ព្រោះបើមិនដូច្នេះទេ ខ្លាចបង្កគ្រោះថ្នាក់ដល់អ្នកដទៃ។
អ្នកភូមិបន្តថា នេះសំណាងណាស់បានញាតិមិត្តជិតខាងជួយទាន់ កុំអីស្លាប់បាត់ទៅហើយ តែទៅថ្ងៃខាងមុខមិនដឹងថា បុរសខាងលើនេះធ្វើរឿងអ្វីទៀតនោះទេ៕ យឹម សុថាន
