សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ក្រុមអ្នកញៀនល្បែងបក្សីស្លាបចំនួន២នាក់ ត្រូវបានកម្លាំងនគរបាលឃាត់ខ្លួនកាលពីវេលាម៉ោង១រសៀល ថ្ងៃទី២ ខែធ្នូ ឆ្នាំ២០១៧ ស្ថិតនៅដីវាលមុខបន្ទប់ជួល ក្នុងភូមិប៉ប្រ៉កខាងជើង សង្កាត់កាកាប១ ខណ្ឌពោធិ៍សែនជ័យ ដកហូតមាន់គក២ក្បាល និងសម្ភារមួយចំនួនទៀត ។
មនុស្ស២នាក់ញៀនល្បែងខាងលើហើយឃាត់ខ្លួនបាន ទី១ ឈ្មោះ យស់ លក្ខណា ភេទប្រុស អាយុ២៩ឆ្នាំ មុខរបរជាងដែក ស្នាក់នៅបន្ទប់ជួល ភូមិប៉ប្រកជើង ស្រុកកំណើតភូមិត្របែកប្រហោង ឃុំតាសួស ស្រុកស្វាយជ្រុំ ខេត្តស្វាយរៀង ទី២ ឈ្មោះ សួស សាមួន ភេទប្រុស អាយុ៣១ឆ្នាំ មុខរបរ កម្មករ ស្នាក់នៅជាមួយគ្នា មានស្រុកកំណើតភូមិឃ្មត់ ឃុំស្វាយជ្រុំ ស្រុកស្វាយជ្រុំ ខេត្តស្វាយរៀង ។
ក្រោយពីឃាត់ខ្លួនបាន ជនសង្ស័យត្រូវនាំទៅសាកសួរនិងកសាងសំណុំរឿងនៅប៉ុស្តិ៍កាកាប១ ដើម្បីបញ្ជូនទៅផ្នែកជំនាញអធិការដ្ឋានខណ្ឌបន្តទៅតាមនីតិវិធី ៕ សុខាសែនជ័យ
