សារព័ត៌មាន នគរវត្ត តែងតែនាំមុខគេជានិច្ច
ខេត្តកែប៖ បុរសជនជាតិរុស្ស៊ីម្នាក់ត្រូវបានកម្លាំងនគរបាលខេត្តកែបឃាត់ខ្លួន ពាក់ព័ន្ធ ប្រើប្រាស់ឯកសណ្ឋានយោធាកម្ពុជា ថែមទាំង ប្រើប្រាស់ខ្នោះ ដៃនិងវិទ្យុទាក់ទងដូចសមត្ថកិច្ចខុសច្បាប់នឹងសង្ស័យប្រើកញ្ឆាខុសច្បាប់ទៀតផង។
ការឃាត់ខ្លួនបុរសជនជាតិរុស្ស៊ីម្នាក់បានប្រព្រឹត្តទៅកាលពីព្រឹកថ្ងៃពុធ ១០រោច ខែ មិគសិរ ឆ្នាំរកា ព.ស២៥៦១ ត្រូវនឹងថ្ងៃទី១៤ ខែធ្នូ ឆ្នាំ២០១៧នៅក្រុងកែប គ្រាដែលបុរសនេះតឺនុយឯ កសណ្ឋានយោធាកម្ពុជា ដើរពេញ ក្រុងកែប ។
សមត្ថកិច្ចមូលដ្ឋានបានឲ្យដឹងថាជនសង្ស័យខាងលើ ឈ្មោះ Vlasovilya ភេទប្រុស អាយុ៣៧ឆ្នាំ កាន់លិខិតឆ្លង ដែនលេខ 714309033 ជាអ្នកទេសចរណ៍ជនជាតិរុស្ស៊ី ស្នាក់នៅផ្ទះជួលក្នុងភូមិកែប សង្កាត់-ក្រុងកែប។
សមត្ថកិចក្រុងកែបបានឲ្យដឹងថា វត្ថុតាងដកហូតបានពីបុរសជនជាតិរុស្ស៊ីម្នាក់នេះរួមមានៈ ខ្នោះដៃមួយគូ, វិទ្យុទាក់ទង ២ គ្រឿង, ស្រោមកាំបិតស្នៀតមួយ, អាវក្រោះមួយ, ខោប៉ារ៉ាមួយ, សាំងតេរ៉ុងមួយ, ទ្រនាប់ក្បាលជង្គង់មួយគូ នឹងទ្រនាប់កែងដៃមួយគូដែលសុទ្ធសឹងជាសម្លៀកបំពាក់និងឧបករណ៍ប្រើប្រាស់របស់យោធា។
បន្ទាប់មកសមត្ថកិច្ចបានចុះទៅឆែកឆេរក្រៅផ្ទះ(ចំងាយ៣-៤ម៉ែត្រ) រកឃើញកាំភ្លើងខ្លីជ័រមួយដើមនឹង កញ្ឆាក្រៀមមួយកញ្ចប់ទម្ងន់ជាងមួយខាំទៀតផង។
បច្ចុប្បន្នកម្លាំងជំនាញកំពុងកសាងសំណុំរឿងបន្តនិតិវិធីទៅតុលាការខេត្តកំពតដើម្បីចាត់ការបន្តតាមច្បាប់៕ ប្រាថ្នា
