សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ ក្នុងចំណោមបក្ខពួក២នាក់ ត្រូវកម្លាំងផ្នែកយុត្តិធម៌សហការជាមួយកម្លាំងប៉ុស្តិ៍នគរបាលរដ្ឋបាលចតុមុខនៃអធិការដ្ឋាននគរបាលខណ្ឌដូនពេញ ឃាត់ខ្លួនពីបទ លួចមានស្ថានទម្ងន់ទោសប្រើអំពើហិង្សារ(ឆក់កាបូបដៃ) កាលពីថ្ងៃពុធ ១០រោច ខែមិគសិរ ឆ្នាំរកា ព.ស២៥៦១ ត្រូវនឹងថ្ងៃទី១៣ ខែឆ្នូ ឆ្នាំ២០១៧ វេលាម៉ោង១០យប់ ដែលប្រព្រឹត្តិកាលពីថ្ងៃទី១៣ ខែធ្នូ ឆ្នាំ២០១៧ វេលាម៉ោង១៣និង១៥នាទី នៅចំណុចមុខស្ថានទូតព្រុយណេផ្លូវសុរាម្រិតភូមិទី៣ សង្កាត់ចតុមុខ ខណ្ឌដូនពេញ រាជធានីភ្នំពេញ ។
ជនសង្ស័យត្រូវឃាត់ខ្លួន ឈ្មោះ ឈឹម ប៊ុនធិន ភេទប្រុស អាយុ២២ឆ្នាំ ជនជាតិខ្មែរ មុខរបរជាងកាត់សក់ មានទីលំនៅផ្ទះលេខ២០៤អឺ០ ផ្លូវបេតុង សង្កាត់បឹងទំពុន ខណ្ឌមានជ័យ រាជធានីភ្នំពេញ ។ វត្ថុតាងចាប់យកបានម៉ូតូមួយគ្រឿងម៉ាក FINO ពណ៌ស លាយពណ៌ខៀវ ពាក់ស្លាកលេខភ្នំពេញ1GA6768 (រត់ចោលបន្សល់ទុកនៅកន្លែងកើតហេតុ) ។ ជនរងគ្រោះ មិនស្គាល់ឈ្មោះភេទស្រីអាយុ៣៥ឆ្នាំ ជនជាតិខ្មែរ កំពុងដើរជាមួយប្តី ពុំបានដាក់ពាក្យបណ្តឹងបន្ទាប់ពីដណ្តើមបានកាបូបដៃបានមកវិញហើយដើរចេញទៅបាត់ ។បន្ទាប់ពីធ្វើការឃាត់ខ្លួន ជនសង្ស័យធ្លាប់ប្រើប្រាស់គ្រឿងញៀន(ធ្វើតេស្តទឹកនោមមានសារធាតុញៀន)ហើយធ្លាប់ជាប់ពន្ធនាគារព្រៃសម១ ពីបទលួច កាលឆ្នាំ២០១៦ ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌដូនពេញដើម្បីកសាងសំណុំរឿងតាមនីតិវិធី ៕ ស តារា
