សារព័ត៌មាន នគរវត្ត តែងតែនាំមុខគេជានិច្ច
រាជាធានីភ្នំពេញ ៖ ប្រជាពលរដ្ឋបានប្រទះឃើញមានប្រអប់ខ្មៅមួយដែលជនមិនស្គាល់មុខបានយកមកបលុងចោលនៅតាមមហាវិថីសហព័ន្ធរុស្ស៊ីមុខក្រុមហ៊ុន Cat ទល់មុខអាកាសយានដ្ឋានអន្តរជាតិភ្នំពេញ ស្ថិតនៅក្នុងភូមិក្បាលដំរី១ សង្កាត់កាកាប១ ខណ្ឌពោធុ៍សែនជ័យ រាជធានីភ្នំពេញ ដោយសង្ស័យមានគ្រាប់បែកទើបបង្កការភ្ញាក់ផ្អើលកាលពីវេលាម៉ោង៨ព្រឹកថ្ងៃសុក្រ ៥កើត ខែបុស្ស ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី២២ ខែធ្នូ ឆ្នាំ២០១៧ ។
តាមប្រភពពីសមត្ថកិច្ចបានឲ្យដឹងថា ក្រោយពេលចុះធ្វើការត្រួតពិនិត្យ នៅក្នុងប្រអប់ខ្មៅនោះមិនបានឃើញគ្រាប់បែកនោះទេ គឺឃើញមានតែកញ្ឆាក្រៀមនៅក្នុងនោះតែប៉ុណ្ណោះ ដែលតាមការសន្និដ្ឋានសង្ស័យថា មានឈ្មួញទុច្ចរិចបំរុងនឹងនាំចេញទៅក្រៅប្រទេសតាមជើងហោះហើរ ប៉ុន្តែទំនងជាមិនអាចនាំចេញទៅបាន ទើបយកទៅប្លុងចោលនៅមុខអាកាសយានដ្ឋានបែបនោះទៅ។ បន្ទាប់មកនគរបាលបាននាំយកប្រអប់កញ្ឆាក្រៀមនោះទៅកាន់ប៉ុស្ដិ៍ ត្រួតពិនិត្យជាក់ស្ដែងហើយបានឃើញថា កញ្ឆាក្រៀមទាំងនោះត្រូវបានជនមិនស្គាល់មុខ ខ្ចប់ដោយថង់ប្លាស្ទិចជាដុំតូចដូចគ្នាទៅនិងដុំណែមដែរ ហើយពេលរាប់មើលឃើញ មានចំនួន៤២៦ដុំ។
ប្រភពដសែកបានបន្តទៀតថា ប្រអប់ខ្មៅនោះមានរៀងស្រដៀងគ្នាទៅនឹងប្រអប់ចង្ក្រានហ្គាស់ដែរ ហើយនៅពេលនេះសមត្ថកិច្ចន គរបាលប៉ុស្ដិ៍រួមជាមួយនគរបាល ព្រហ្មទណ្ឌ និងនគរបាលប្រឆាំងបទល្មើសគ្រឿងញៀនខណ្ឌពោធិ៍សែនជ័យនៅមិនទាន់ដឹងថា នៅក្នុងដុំកញ្ឆានោះមានសារធាតុផ្សំអ្វីផ្សេងទៀតនៅឡើយទេ។ ដោយរង់ចាំកម្លាំងនគរបាលជំនាញនៃស្នងការដ្ឋាននគរបាលរាជធា នីភ្នំពេញ ចុះទៅពិនិត្យកោសល្យវិច័យបន្តទៀត ដើម្បីស្រាវជ្រាវរកម្ចាស់របស់វានិងមូលហេតុនៃការទុកចោល ព្រមទាំងគោលបំណងដែលត្រូវនាំចេញទៅកាន់ប្រទេសណាមួយឲ្យបានច្បាស់លាស់៕ សុខាសែនជ័យ
