សារព័ត៌មាន នគរវត្ត តែងតែនាំមុខគេជានិច្ច
ខេត្តព្រៃវែង៖ មានករណីគ្រោះថ្នាក់ចរាចរណ៍មួយកើតឡើង រវាងម៉ូតូ២គ្រឿងបុកគ្នាពេញទំហឹង បណ្តាលឲ្យមនុស្ស២នាក់ស្លាប់ និងម្នាក់ទៀតរបួស កាលពីវេលាម៉ោង៤និង៣០នាទីរសៀល ថ្ងៃចន្ទ៨កើតខែបុស្ស ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី២៥ ខែធ្នូ ឆ្នាំ២០១៧ នៅចំណុចភូមិប្របុះរលួយ ឃុំបន្ទាយចក្រី ស្រុកព្រះស្តេច ខេត្តព្រៃវែង។
មន្រី្តនគរបាលចរាចរស្រុកព្រះស្តេចបានឲ្យដឹងថា គ្រោះថ្នាក់ចរាចរណ៍នេះកើតឡើងរវាងម៉ូតូម៉ាកហុងដា វ៉េវ ពណ៌ខ្មៅប្រភេទសណ្តោងរ៉ឺម៉កពាក់ស្លាកលេខ 66-P1 17716 (ដឹកត្រី) ធ្វើដំណើរក្នុងទិសដៅពីត្បូងទៅជើងបញ្ច្រាសទិសគ្នា។លុះ មកដល់ចំណុចខាងលើបានបុកម៉ូតូម៉ាក ស៊ុយហ្ស៊ុយគីស្មាស់ ពណ៌ក្រហម ពាក់ស្លាកលេខ ភ្នំពេញ 1CF-7150 បើកដោយឈ្មោះ ណាវ មា ភេទប្រុស អាយុ28ឆ្នាំ(ស្លាប់) បណ្តាលឲ្យក្រឡាប់ចាក់ត្រីចោលពេញផ្លូវនៅកន្លែងកើតហេតុ និងបណ្តាលឲ្យមនុស្ស២នាក់ទៀតដែលជិះជាមួយគ្នា ឈ្មោះ ឆន ចាប ភេទប្រុស អាយុ២៧ ស្លាប់ដូចគ្នាម្នាក់ និងម្នាក់ទៀតឈ្មោះ ឈា ប្រុស ភេទប្រុស អាយុ២៣ឆ្នាំ របួសធ្ងន់ ត្រូវបានគេដឹកយកទៅសង្គ្រោះនៅមន្ទីពេទ្យភ្លាមៗ ។
ក្រោយកើតហេតុ នគរបាលចរាចរ ស្រុកព្រះស្តេចបានទៅដល់វាស់វែងយកយានយន្ត ទាំងពីគ្រឿងទៅរក្សាទុកនៅអធិការដ្ឋាននគរបាលស្រុក និងបានប្រគល់សាកសពទៅ ក្រុមគ្រួសារទាំងសងខាងយកទៅធ្វើបុណ្យទាមប្រពៃណី ៕ សហការី
