សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ មន្រ្តីនគរបាលខេត្តព្រះសីហនុ បានឲ្យដឹងថា៖ ព្រឹកថ្ងៃអង្គារ ៩កើត ខែបុស្ស ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២៦ ខែធ្នូ ឆ្នាំ២០១៧ វេលាម៉ោង៦និង៣០នាទី មានប្រជាពលរដ្ឋប្រទះឃើញរថយន្ដVisto មួយគ្រឿងបានក្រឡាប់ នៅចំណុចជិតភ្នំ៩៦ ស្ថិតនៅក្នុងភូមិ៦ សង្កាត់លេខ៤( អូរ៥ ) ក្រុងព្រះសីហនុ ខេត្តព្រះសីហនុ។
កម្លាំងនគរបាលចរាចរណ៍ផ្លូវគោក ដែលទៅប្រចាំការនៅទីនោះ បានឃើញមានរថយន្ត១គ្រឿងម៉ាក KIA VISTO ពណ៌ ខ្មៅ ពាក់ស្លាកលេខ ធ្លាក់ផ្លូវក្រឡាប់ផ្ងារជើងឡើងលើ ដោយពុំឃើញមានម្ចាស់។
តាមការសាកសួរប្រជាពលរដ្ឋនៅជិតនោះ ថា រថយន្តនេះក្រឡាប់តាំងពីពេលយប់ តែពួកគាត់មិនបានចេញទៅមើលទេ ព្រោះលឺតែសំឡេងឆ្កែព្រូស ។
បច្ចុប្បន្នសមត្ថកិច្ចជំនាញ កំពុងចាត់ចែងស្ទូចយកចេញពីកន្លែងកើតហេតុ យកទៅរក្សាទុកនៅការិយាល័យនគរបាលចរាចរណ៍ផ្លូវគោក ៕ ឆ្លាម សមុទ្រ
