សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រឿងអាស្រូវកើតឡើងសម្រាប់អ្នកបួស បម្រើក្នុងវិស័យព្រះពុទ្ធសាសនាទៀតហើយ ធ្វើឲ្យលេចឮដល់បងប្អូនប្រជាពលរដ្ឋ ពុទ្ធបរិស័ទ ចំណុះជើងវត្ត មិននឹងស្មានដល់ និយាយខ្សឹបខ្សៀវគ្នា ពេញភូមិ បន្ទាប់ពីមានព្រះសង្ឃមួយអង្គ គង់នៅវត្តព្រះធម្មត្រ័យ ភូមិព្រៃស សង្កាត់ព្រៃស ខណ្ឌដង្កោ បានប្រព្រឹត្តខុសនូវសីលធម៌ វិន័យ ជំនឿហួសហេតុ ដើម្បីកេងចំណេញ បៀតបៀនកេរ្ត៍ខ្មាស់ បន្ទាប់ពីយកធូប៣សរសៃ ទៅចារឧបកិច្ច ឲ្យបាត់អស់ចង្រៃលើប្រដាប់ភេទស្រ្តីម្នាក់ គាប់ជួនប្តីស្រ្តីរងគ្រោះចូលទៅទាន់ស្រែកប្តឹងប៉ូលីស ឃាត់នាំខ្លួនកាលពីល្ងាចថ្ងៃទី០៣ ខែមករា ឆ្នាំ២០១៧ ។
ព្រះសង្ឃកំហូចខាងលើ មិនត្រូវបានសមត្ថកិច្ច ឬ ចៅអធិការវត្ត បង្ហាញឲ្យស្គាល់ព្រះនាមឡើយ ព្យាយាមលាក់បាំង ដើម្បីលួចដោះស្រាយគ្នារវាងព្រះសង្ឃ ជាមួយភាគីរងគ្រោះដោយស្ងាត់ៗ រួមទាំងមានការដឹងឮពីនគរបាលខណ្ឌដង្កោផងដែរ តែបើតាមប្រជាពលរដ្ឋ ក្បែរខាងគ្រាន់តែឲ្យដឹងថា ព្រះសង្ឃមួយអង្គខាងលើ មានព្រះជន្មជាង៦០ព្រះវស្សា មានស្រុកកំណើតនៅខេត្តកំពង់ឆ្នាំ ទើបតែមកគង់ស្នាក់នៅវត្តខាងលើបាន២ព្រះវស្សា ។
បើតាមអ្វីដែលលោកសង្ឃអង្គខាងលើ អួត តាំងខ្លួន មានបរមី ស្នង ស្តេចជាន់ដើមអង្គនេះ អង្គនោះ ពូកែស័ក្តសិទ្ធ ខាងមន្តអាគម អូមអាម ទស្សន៍ទាយឈុត កាត់បគ្រោះ ធានាអស់ចង្រៃ ហើយចំនួន២លើកមកហើយ លោកសង្ឃមួយអង្គខាងលើ ប្រើវិធីសាស្រ្តលួងបញ្ឆោតបំភ័យស្រ្តីៗ ដែលទៅឲ្យលោកគន់គូរទស្សន៍ទាយ កាត់បគ្រោះ ក្នុងរូបភាព ចារលើប្រដាប់ភេទ ផ្ទុះជារឿងអាស្រូវ តែត្រូវបាន ចៅអធិការវត្ត សមត្ថកិច្ចព្យាយាមលាក់បាំង សម្របសម្រួល ជាមួយភាគីរងគ្រោះក្រៅប្រព័ន្ធច្បាប់ដោយស្ងាត់ៗ លុះមកដល់រសៀលថ្ងៃទី០៣ ខែមករា ឆ្នាំ២០១៨នេះ ផ្ទុះរឿងសារជាថ្មី ដោយសារលោកសង្ឃមួយអង្គខាងលើ ប្រើល្បិច ទៅលើស្រ្តីម្នាក់ ប្រើធូប៣សរសៃ ចារលើប្រដាប់ភេទ លុះពេលប្តីស្រ្តីខាងលើចូលទៅទាន់ ស្រែកផ្អើល ប្តឹងប៉ូលិសឃាត់នាំខ្លួន ទៅកាន់អធិការដ្ឋានខណ្ឌដង្កោ ដើម្បីសាកសួរ ។ តាមពលរដ្ឋ នៅក្នុងវត្តខាងលើ គ្រាន់តែឲ្យដឹងថា កាលពីល្ងាចថ្ងៃទី០៣ ខែមករា ម្សិលមុិញ ក្រោយពីផ្ទុះរឿង លោកសង្ឃមួយអង្គប្រើល្បិចបង្គាប់ឲ្យស្រ្តីម្នាក់ស្រាតខោ ហើយយកជើងធូបមកចារលើបនរដាប់ភេទ ឧបកិច្ចឲ្យអស់ចង្រៃ ឃើញតែប៉ូលីស ខណ្ឌដង្កោមកនាំខ្លួនលោក យកចេញទៅ តែមិនដឹងថាយកទៅណានោះទេ ។
តែបើតាមនគរបាលខណ្ឌដង្កោ បានប្រាប់អ្នកសារពត៌មានថា រឿងរ៉ាវខាងលើ ពិតជាកើតឡើងមែនលោកសង្ឃ ចារប្រដាប់ភេទស្រ្តី តែបន្ទាប់ពីកម្លាំងជំនាញចុះទៅ មិនបាននាំខ្លួនលោកសង្ឃមកកាន់អធិការដ្ឋាននោះទេ សមត្ថកិច្ចបាននាំខ្លួនលោកសង្ឃមួយអង្គខាងលើទៅកាន់វត្តស្លែង ផ្លូវជាតិលេខ៣វិញ ជាវត្តអនុគុណ គង់នៅ ហើយសម្របសម្រួលគ្នាជាមួយ ភាគីរងគ្រោះ រួចរាល់អស់ហើយ ។ រឿងរ៉ាវខាងលើ ទាំងចៅអធិការវត្ត ទាំងប៉ូលីស ព្យាយាមលាក់បាំងព័ត៌មាន ហើយសម្របសម្រួលជាមួយភាគីស្រ្តីរងគ្រោះ ដោយស្ងាត់ៗ បញ្ចប់រឿង ក្រៅប្រព័ន្ធច្បាប់ ទោះជាអ្នកពត៌មានសាកសួរ រឿងរ៉ាវពិត បែជាឆ្លើយ លិចកើត ជើងត្បូង ពង្វាងព័ត៌មាន ៕
ប្រភពអត្ថបទ និងរូបភាព៖ វេបសាយថ៍ក្នុងស្រុកមួយ
