សារព័ត៌មាន នគរវត្ត តែងតែនាំមុខគេជានិច្ច
ខេត្តព្រៃវែង៖គ្រោះថ្នាក់ចរាចរដ៏រន្ធត់មួយបានកើតឡើង ក្រោយពីមានម៉ូតូរ៉ឺម៉កកង់បីបើកក្រឡាប់ខ្លួនឯង បណ្តាលឱ្យស្លាប់ពីរនាក់និងរបួសធ្ងន់ស្រាល៦នាក់។
ហេតុការណ៍នេះ កើតឡើងកាលពីល្ងាច ថ្ងៃទី០៤ ខែមករា ឆ្នាំ២០១៨ លើស្ពានអ្នកលឿង ក្នុងភូមិព្រែកខ្សាយ ឃុំព្រែកខ្សាយ(ក) ស្រុកពាមរក ខេត្តព្រៃវែង។
ជនរងគ្រោះឈ្មោះ អ៊ុង អៃ ភេទប្រុស អាយុ៣៩ឆ្នាំ ស្លាប់នៅនឹងកន្លែង ឈ្មោះជួន យិន ភេទស្រី អាយុ៦១ឆ្នាំ របួសស្រាល ឈ្មោះ ស យន ភេទស្រី អាយុ៨៣ឆ្នាំ របួសធ្ងន់ ឈ្មោះ មឹក អ៊ន ភេទស្រី អាយុ៣៧ឆ្នាំ របួសស្រាល ឈ្មោះ អ៊ុក ណាត ភេទប្រុស អាយុ៣៨ឆ្នាំ របួសស្រាល ឈ្មោះ អៃ ស្រីណេត ភេទស្រី អាយុ១២ឆ្នាំ មុខរបរសិស្ស(ស្លាប់) ឈ្មោះ ជាតិ សំណាង ភេទប្រុស អាយុ៤ឆ្នាំ របួសស្រាល និង ឈ្មោះ អៃ វិសាល ភេទប្រុស អាយុ១ឆ្នាំ របួសធ្ងន់ ។ មូលហេតុនៃគ្រោះថ្នាក់នេះ ដោយសារតែអ្នកបើកបរបានផឹកគ្រឿងស្រវឹង៕ ចេស្តា
