សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ ព័ត៌មានប្រចាំថ្ងៃ របស់ស្នងការដ្ឋាននគរបាលខេត្តព្រះសីហនុ បានឲ្យដឹងថា៖ នៅវេលាម៉ោងប្រមាណ៦និង៣០នាទី ថ្ងៃសៅរ៍ ៥រោច ខែបុស្ស ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី៦ ខែមករា ឆ្នាំ២០១៨ រថយន្ត២គ្រឿង បានបុកគ្នា នៅលើផ្លូវជាតិលេខ៤ ចន្លោះគីឡូម៉ែត្រ១៧៤-១៧៥ នៅភូមិត្រពាំងមូល ឃុំជើងគោ ស្រុកព្រៃនប់ រវាងរថយន្តធុនធំសណ្ដោងរ៉ឺម៉ក និង រថយន្តកូរ៉េ ដែលមានទិសដៅផ្ទុយគ្នា បណ្ដាលឲ្យរថយន្តកូរ៉េ ឆេះ ប៉ុន្តែត្រូវបានសមត្ថកិច្ច ជួយពន្លត់ទាន់ពេល។
គ្រោះថ្នាក់នេះ បណ្ដាលឲ្យរងរបួសមនុស្សចំនួន២នាក់ ធ្ងន់១នាក់ និង ស្រាល១នាក់ បានបញ្ជូនទៅសង្គ្រោះនៅគ្លីនិកលិគឹមឌីវាលរេញ។
រថយន្តទាំង២គ្រឿង សមត្ថកិច្ចកំពុង ចាត់ចែង យកមករក្សាទុកនៅអធិការដ្ឋាននគរបាលស្រុកព្រៃនប់៕ ឆាម សមុទ្រ
