សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យជាង១០នាក់ជិះម៉ូតូជាច្រើនគ្រឿង មកធ្វើសកម្មភាពវាយប្លន់យកម៉ូតូពីបុរសម្នាក់បានសម្រេច ហើយគេចខ្លួនបាត់ដោយសុវត្ថិភាពកាលពីវេលាម៉ោង១១និង១៥នាទីយប់ ថ្ងៃអង្គារ ៨រោច ខែបុស្ស ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី៩ ខែមករា ឆ្នាំ២០១៨ ទល់មុខនឹងខារ៉ាអូខេ១៦៨ ផ្លូវជាតិលេខ២ ភូមិព្រែកតានូ សង្កាត់ចាក់អង្រែលើ ខណ្ឌមានជ័យ ។
សមត្ថកិច្ចជនរងគ្រោះមានឈ្មោះ កែវ ស្មី ភេទប្រុស អាយុ៣២ឆ្នាំ មុខរបរនៅផ្ទះស្នាក់នៅ សង្កាត់ព្រែកហូរ ក្រុងតាខ្មៅ ខេត្តកណ្តាល ម៉ូតូដែលជនសង្ស័យវាយប្លន់យកទៅម៉ាក់ហុងដាប៊ីក ស៊េរីឆ្នាំ២០១៧ ពណ៌ខ្មៅ លាយក្រហម មិនចាំស្លាកលេខ ។
ជនរងគ្រោះថា រូបគាត់បានជិះម៉ូតូពីផ្ទះទៅដើរលេងនៅម្តុំណាហ្គាវើល ដល់ពាក់កណ្ដាលផ្លូវ មាន ជនសង្ស័យជាង១០នាក់ ជិះម៉ូតូជាច្រើនគ្រឿង តាមវាយរូបគាត់ ក្រុមនោះយកដំបង ដាវកែច្នៃកាប់ និងវាយហើយស្រែកថា គាត់ជាចោរៗថែមទៀតផង រូបគាត់បានរងរបួសស្មាខាងឆ្វេង ដួលម៉ូតូ ហើយក្រុមនោះលើកយកម៉ូតូរបស់គាត់ជិះចេញទៅបាត់៕ សុខាសែនជ័យ
