សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ក្នុងចំណោមពីរនាក់ត្រូវនគរបាលប៉ុស្តិ៍រដ្ឋបាលសង្កាត់អូបែកក្អមឃាត់ខ្លួន បន្ទាប់ពីពួកគេជិះម៉ូតូឌុបគ្នាបម្រុងធ្វើសកម្មភាពទាក់សត្វឆ្កែនៅពេលយប់។
ការឃាត់ខ្លួនជនសង្ស័យខាងលើនេះ កើតឡើងកាលពីថ្ងៃសុក្រ ១១រោច ខែបុស្ស ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី១២ ខែមករា ឆ្នាំ២០១៨ នៅម្ដុំវត្តអង្គតាមិញ សង្កាត់អូបែកក្អម ខណ្ឌសែនសុខ ។
ជនសង្ស័យខាងលើមានឈ្មោះ ជូ អាយុ ៤៣ឆ្នាំ មុខរបរ និងទីលំនៅ មិនពិតប្រាកដ ចំណែកបក្សពួកម្នាក់ទៀតរត់គេចខ្លួន។
ប្រភពពីសមត្ថកិច្ចបានឲ្យដឹងថា៖ មុនពេលកើតហេតុគេឃើញជនសង្ស័យខាងលើជិះម៉ូតូ ១គ្រឿង ម៉ាកឌ្រីម សេ១២៥ ពណ៌ខ្មៅ ជិះគ្នា ២នាក់ បានបម្រុងធ្វើកម្មភាពទាក់ឆ្កែ ខណៈនោះ សមត្ថកិច្ចឃើញសង្ស័យ ក៏ប្រដេញដល់ចំណុចកើតហេតុខាងលើចាប់ខ្លួនបានម្នាក់ ចំណែកម្នាក់រត់គេចខ្លួន ។
សមត្ថកិច្ចក៏នាំខ្លួនជនសង្ស័យខាងលើយកទៅសាកសួរនៅប៉ុស្តិ៍ ក្រោយមកពិនិត្យឃើញមានសារធាតុញៀននៅក្នុងទឹកនោម។
បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខដើម្បីចាត់ការតាមនីតិវិធី៕ តុង សីហា
