សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្តរមានជ័យ៖ ប្រជាការពារភូមិសរុប១០៧នាក់ មកពីភូមិចំនួន៥ ក្នុង ឃុំអូរស្វាយ ស្រុកត្រពាំងប្រាសាទ ខេត្តឧត្តរមានជ័យ ទទួលបានសម្លៀកបំពាក់ឯកសណ្ឋានពីលោកតុន ញៀន។
សេចក្តីរាយការណ៍បានឲ្យដឹងថា ប្រជាការពារភូមិក្នុងមួយនាក់ ទទួលបានសំលៀកបំពាក់ ឯកសណ្ឋាន មួយកំផ្លេ ពីលោក តន់ ញៀន ប្រធានក្រុមការងារគណបក្សប្រជាជនកម្ពុជា ចុះជួយស្រុកត្រពាំងប្រាសាទ រួមជាមួយកម្លាំងប្រដាប់អាវុធទាំង៣ប្រភេទ អាជ្ញាធរភូមិ ឃុំ និងស្រុកបានចុះមកចែកជូនកាលពីថ្ងៃពុធ ១កើត ខែមាឃ ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី១៧ ខែមករា ឆ្នាំ២០១៨ ។
ការចែកសម្លៀកបំពាក់ឯកសណ្ឋាននេះ គឺធ្វើឡើង២កន្លែងក្នុងថ្ងៃតែមួយ ទី១នៅសាលាឃុំអូរស្វាយ និងទី២ នៅសាលាប្រជុំនៃភូមិទំនប់អភិវឌ្ឍន៍ ។
ក្នុងឱកាសនោះដែរ លោក តន់ ញាន បានផ្ដាំផ្ញើ ដល់បងប្អូនប្រជាការពារភូមិទាំងអស់ ត្រូវយកចិត្តទុកដាក់ការពារសុវត្ថិភាពនៅតាមបណ្តាគោលដៅរបស់ខ្លួនឲ្យបានល្អ ក្នុងការផ្តល់ទំនុកចិត្តជូនដល់ពលរដ្ឋនៅតាមមូលដ្ឋានឲ្យមានស្ថេរភាព សន្តិសុខ សង្គម ជាពិសេសត្រូវបង្កើនការទំនាក់ទំនងសហការរវាងកម្លាំងប្រដាប់អាវុធទាំង3ប្រភេទនៅក្នុងស្រុក ដើម្បីទប់ស្កាត់រាល់សកម្មភាពបទល្មើស ចោរកម្ម គ្រឿងញៀន និងល្បែងស៊ីសងគ្រប់ប្រភេទ ហើយត្រូវចេះជួយប្រជាពលរដ្ឋរាល់ទុកលំបាកប្រជាពលរដ្ឋដែលកើតឡើងជាយថាហេតុ៕ ប៉ែន នួន
