សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ ក្មេងប្រុសម្នាក់ចុះឆក់ត្រីក្នុងត្រពាំងភ្លាត់ស្នៀតឆក់ខ្លួនឯងស្លាប់កាលពីវេលាម៉ោង១និង៤០នាទី ថ្ងៃសុក្រ ៣កើត ខែមាឃ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី១៩ ខែមករា ឆ្នាំ២០១៨ នៅចំណុចត្រពាំងតាបឿ ភូមិអណ្តោត ឃុំបាក់ស្នា ស្រុកបារាយណ៍។
សមត្ថកិច្ចឲ្យដឹងថាជនរងគ្រោះ ឈ្មោះ គា គង់ ភេទប្រុស អាយយ១៦ឆ្នាំរស់នៅភូមិ-ឃុំ កើតហេតុខាងលើ មុនពេលកើតហេតុ ជនរងគ្រោះ និងប្អូនប្រុស ម្នាក់ អាយុ៦ឆ្នាំ បានយកឧបករណ៍ឆក់ត្រី( អាំងវ៉ែទ័រភ្ចាប់ជាមួយអាគុយ) ទៅឆក់ត្រី លុះដល់ម៉ោងកើតហេតុ ជនរងគ្រោះបានឆក់ដួលផ្ងារស្លាប់ ពេលនោះប្អូនប្រុសជនរងគ្រោះ បានរត់មកប្រាប់ឪពុកម្ដាយនៅឯផ្ទះ ។
ក្រោយពេលកើតហេតុសមត្ថកិច្ចបានចុះមកពិនិត្យ មានទាំងឪពុកម្ដាយនៅកន្លែងកើតហេតុ ឃើញថា ជនរងគ្រោះពិតជាស្លាប់ដោយសារឧបករ់ណ៍ឆក់ត្រី(អាំងវ៉ែទ័រ) ដោយខ្លួនឯងពិតប្រាកដ។ រួចបានប្រគល់សាកសពជនរងគ្រោះជូនក្រុមគ្រួសារ ដើម្បីធ្វើបុណ្យតាមប្រពៃណី៕ ប៊ុនរិទ្ធី
