បើកបរមិនប្រកាន់ស្តាំបង្កគ្រោះថ្នាក់រងរបួសធ្ងន់ ស្រាល

ខេត្តស្វាយរៀង៖ បុរសពីរនាក់រងរបួសធ្ងន់ ក្នុងករណីគ្រោះថ្នាក់ចរាចរណ៍ម៉ូតូនឹងម៉ូតូកាលពីម៉ោង៦និង៥០នាទីល្ងាច ថ្ងៃសុក្រ ១០កើត ខែមាឃ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២៦ ខែមករា ឆ្នាំ២០១៨ នៅលើផ្លូវជាតិលេខ១ ចន្លោះគីឡូម៉ែត្រលេខ១៥៦-១៥៧ ស្ថិតក្នុងភូមិ ត្រពាំងផ្លុងសង្កាត់ បាទីក្រុងបាវិត ខេត្តស្វាយរៀង។ សមត្ថកិច្ចនគរបាលក្រុងបាវិតបានប្រាប់កាសែតនគរវត្តថាគ្រោះថ្នាក់កើតឡើងក្នុងទិសដៅ បញ្ច្រាស់ទីសគ្នាពីកើតទៅលិច។

សមត្ថកិច្ចបន្តថា ម៉ូតូសេរី ឆ្នាំ២០១៥ ម៉ាក ហុងដាC125 ពណ៌ខ្មៅពាក់ស្លាកលេខ ស្វាយរៀង 1C-8167 បើកបរដោយឈ្មោះ ព្រាប ភារុន ភេទប្រុសអាយុ២៣ឆ្នាំ ជនជាតិខ្មែរមុខរបរកម្មកររោងចក្រ រស់នៅ ភូមិផ្លុកព្រីង ឃុំពពែតស្រុកស្វាយទាប ខេត្តស្វាយរៀង(មិនពាក់មួកសុវត្ថភាព គ្មានកញ្ចក់មើលក្រោយដោយធ្វើដំណើរ ពីកើតទៅលិច លុះមកដល់ចំនុចកើតហេតុខាងលើ ក៏បានបុកប៉ះ និងម៉ូតូមួយគ្រឿង សេរី2015 ម៉ាក់ហុងដាC-125 ពណ៌ ខ្មៅពាក់ស្លាកលេខភ្នំពេញ1FK-5559 បើកបរដោយឈ្មោះ ម៉ែន ចំរ៉ុង ភេទប្រុសអាយុ២៧ឆ្នាំ ជនជាតិខ្មែរមុខរបរកម្មកររោងចក្រ រស់នៅភូមិធ្លកសង្កាត់ច្រកម្ទេស ក្រុងបាវិត ខេត្តស្វាយរៀង ដែលធ្វើដំណើរពីលិច ទៅកើតពេញទំហឹងបណ្តាឲ្យរងរបួសធ្ងន់ទាំងសងខាង។

សមត្ថកិច្ចមូលដ្ឋានមកវាស់វែង និងយកជនរងគ្រោះទាំង២នាក់ បញ្ជូនទៅព្យាបាល នៅមន្ទីរពេទ្យ បង្អែកជីភូ និងម្នាក់ទៀតបញ្ជួនទៅ ព្យាបាល នៅពេទ្យប្រទេសវៀតណាម។

សមត្ថកិច្ចនគរបាលបញ្ជាក់ថាមូលហេតុ អ្នកបើកបរម៉ូតូហុងដាសេ១២៥ ពាក់ស្លាកលេខ ស្វាយរៀង១C៨១៦៧មិន ប្រកាន់ស្តាំទើបជួបករណីនេះកើតឡើង។

រីឯវត្ថុតាងម៉ូតូទាំង០២គ្រឿង សម្តកិច្ចនគរបាលយកមករក្សាទុក នៅអធិការដ្ឋាន នគរបាលក្រុងបាវិតដើម្បីចាត់ការបន្តតាមច្បាប់ ៕ យឹម សុថាន