សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ បុរសម្នាក់ជិះម៉ូតូចេញពីកន្លែងហាងបាយ ត្រូវរថយន្ដមិនស្កាល់ម៉ាកបុកពីក្រោយ ខណះកំពុងជិះម៉ុតូ ត្រឡប់ មកផ្ទះវិញ កាលពីវេលាម៉ោង ១០និង៣០នាទីយប់ ថ្ងៃអាទិត្យ ១២កើត ខែមាឃ ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី២៨ ខែមករា ឆ្នាំ២០១៨ ត្រូវចំនុច ផ្លូវ៦២ ព្រះវិហារ -កំពង់ធំ ក្នុងភូមិ ថ្នល់បែក ឃុំ ត្រពាំង ឬស្សី ស្រុកកំពង់ស្វាយខេត្តកំពង់ធំ បណ្ដាលឲ្យជនរងគ្រោះដួលបោកក្បាលសន្លប់ធំរងរបួសធ្ងន់ត្រង់ក្បាល ។
តាមប្រភពពត័មានពីអ្នក ទាន់ហេតុការណ៍បានឲ្យដឹង មុនពេលកើតហេតុបានលឺសន្ធឹករថយន្ដធុនធំមួយគ្រឿង បើកបរក្នុងល្បឿនលឿន ស្រាប់តែមកដល់កន្លែងកើតហេតុ ស្រាប់បុក ជនរងគ្រោះកំពុងជិះម៉ូតូ ពីក្រោយពេញទំហឹង ជនរងគ្រោះមានឈ្មោះ ថៃ អាយុ ២៧ឆ្នាំ រស់នៅស្រុកស្ទោងខេត្តកំពង់ធំ ក្រោយពេលកើតហេតុ ត្រូវបានប្រជាពលរដ្ន និង សមត្ថកិច្ច ជួយបញ្ចូនទៅសង្រ្គោះនៅមន្ទីរពេទ្យខេត្ត។
សមត្ថកិច្ច កំពុងតែស៊ើបអង្គេត រករថយន្ដជនបង្ក ដើម្បីឲ្យម្ចាស់ចូលខ្លួនមកដោះស្រាយតាមច្បាប់៕ ប៊ុនរិទ្ធី
