សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង ៖ បុរសម្នាក់ត្រូវបាន ត្រូវបានសមត្ថកិច្ចនគរបាលស្រុកបរិបូរណ៍ឃាត់ខ្លួន បន្ទាប់ពីបានធ្វើសកម្មភាពលួចប្រេងម៉ាស៊ូតរថយន្ត ។
ហេតុការណ៍នេះបានកើតឡើងកាលពីវេលាម៉ោងយប់ថ្ងៃអាទិត្យ ១២កើត ខែមាឃ ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី២៨ ខែមករា ឆ្នាំ២០១៨ នៅភូមិជើងខ្នា ឃុំពន្លៃ ស្រុកបរិបូរណ៍ ខេត្តកំពង់ឆ្នាំង ។
សមត្ថកិច្ចបានឲ្យដឹងថា ជនសង្ស័យនេះមានឈ្មោះ អេនអុន ភេទប្រុស អាយុ៤០ឆ្នាំ មានទីលំនៅភូមិជើងខ្នារ ឃុំពន្លៃ ស្រុកបរិបូណ៌ខេត្តកំពង់ឆ្នាំង ។
សមត្ថកិច្ចបានឲ្យដឹងថា នៅមុនពេលកើតហេតុ កម្លាំងនគរបាលបានដើរល្បាត តាមភូមិក៏បានប្រទះឃើញជនសង្ស័យបានលួចធ្វើសកម្មភាពលួចប្រេងម៉ាស៊ូត ដែលគេដាក់សម្រាប់លក់ ក៏បានឃាត់ខ្លួនតែម្តង ។ ក្រោយពីសមត្ថិច្ចសាកសួរ ជនសង្ស័យបានសារភាពថាខ្លួនបានធ្វើសកម្មភាពលួច ពិតប្រាកដមែន ។
នៅពេលនេះសមត្ថកិច្ចបានកសាងសំណុំរឿងបញ្ជូនទៅស្នងការដ្ឋាននគរបាលខេត្តកំពង់ឆ្នាំងដើម្បីចាត់ការបន្តទៅតាមនីតិវិធី ។
ប្រជាពលរដ្ឋបានឲ្យដឹងថា ជនសង្ស័យរូបនេះគឺជាមនុស្សដែលល្បី ខាងលួចទ្រព្យសម្បត្តិរបស់អ្នកស្រុក ប្រហែសមិនបាននោះទេ លួចគ្មានសល់ របស់អីក៏យកដែរ ។ ចន្ថា
