សារព័ត៌មាន នគរវត្ត តែងតែនាំមុខគេជានិច្ច
ខេត្កព្រះសីហនុ៖ យុវតីម្នាក់បានស្លាប់ និងម្នាក់ទៀតរងរបួស ដោយគ្រោះថ្នាក់ចរាចរណ៍ កាលពីវេលាម៉ោងជាង៣រសៀល ថ្ងៃអាទិត្យ ៤រោច ខែមាឃ ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី៤ ខែកុម្ភៈ ឆ្នាំ២០១៨ នៅផ្លូវជាតិលេខ៤ ចន្លោះគីឡូម៉ែត្រ១៩១-១៩២ ស្ថិតក្នុងភូមិបត់សិរមាន់ ឃុំព្រៃនប់ ស្រុកព្រៃនប់ខេត្តព្រះសីហនុ។
របាយការណ៍ពីនគរបាលបានបញ្ជាក់ថា៖ គ្រោះថ្នាក់ចរាចរណ៍នេះកើតឡើង រវាងម៉ូតូ១គ្រឿង ម៉ាក ZOOMER X ពណ៌ ស-ទឹកក្រូច ពាក់ស្លាកលេខព្រះសីហនុ1G-0137 បើកបរដោយឈ្មោះ នួន ស្រីវី ភេទ ស្រី អាយុ ២១ឆ្នាំ មានទីលំនៅភូមិជើងគោ ឃុំជើងគោ ស្រុកព្រៃនប់ ខេត្តព្រះសីហនុ មានអ្នករួមដំណើរម្នាក់ឈ្មោះ សុំភិន ភក្តី ភេទស្រី អាយុ១៦ឆ្នាំ មានទីលំនៅភូមិត្រពាំងគា ឃុំជើងគោ ដូចគ្នា បេីកបរមានទិសដៅពីជើងទៅត្បូង លុះដល់ចំណុចខាង លើបានវ៉ាជែងរថយន្ត១គ្រឿង ដែលមានទិសដៅស្របគ្នា បន្ទាប់មកក៏ចូលទៅបុកប៉ះនឹងកង់ក្រោយផ្នែកខាងឆ្វេង រថយន្តមួយគ្រឿងទៀត ម៉ាក HIGHLANDER ពណ៌ ប្រផេះ គ្មានស្លាកលេខដែលមានទិសដៅផ្ទុយគ្នាបណ្ដាលឲ្យ ឈ្មោះសុំភិន ភក្តី អ្នករួមដំណើរលើម៉ូតូ ស្លាប់នៅនឹងកន្លែងកើតហេតុ រីៗឯអ្នកបើកបរម៉ូតូ ឈ្មោះនួន ស្រីវី រងរបួស បានបញ្ជូនទៅសង្គ្រោះនៅគ្លីនិកលិគឹមឌីវាលរេញ ។
ក្រោយកើតហេតុអ្នកបើកបររថយន្តបានគេចខ្លួនសមត្ថកិច្ចមិនទាន់ស្គាល់អត្តសញ្ញាណនៅឡើយ។ រថយន្ត និង ម៉ូតូសមត្ថកិច្ចបាន យកមករក្សាទុកនៅអធិការដ្ឋាននគរបាលស្រុកព្រៃនប់ ដើម្បីចាត់ចែងតាមនីតិវិធី ៕ ឆ្លាម សមុទ្រ
