ព័ត៌មានទាន់ហេតុការណ៍៖

ទុកម៉ូតូក្នុងបន្ទប់មកញាំបាយមួយភ្លែតទៅវិញត្រូវចោរគាស់យកទៅបាត់

ចែករំលែក៖

ភ្នំពេញ ៖ បុរសស្ត្រី២នាក់បាននាំគ្នាមកកាន់ប៉ុស្តិ៍នគរបាលចោមចៅទី៣ សុំជួយអន្តរាគមន៍បន្ទាប់ពីទុកម៉ូតូក្នុងបន្ទប់ជួលហើយនាំគ្នាទៅញាំបាយពេលត្រលប់ទៅវិញស្រាប់តែត្រូវចោរគាស់បន្ទាប់យកម៉ូតូទៅបាត់និងសម្ភារះមួយចំនួនទៀតបង្កកាភ្ញាក់ផ្អើលកាលពីវេលា១១​និង​៣០​នាទី​យប់ ថ្ងៃអាទិត្យ ៤រោច ខែមាឃ​ ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី៤ ខែកុម្ភៈ ឆ្នាំ២០១៨ នៅ​បន្ទប់​ជួល ភូមិ​ជម្ពូ​វ័ន សង្កាត់​ចោម​ចៅ​៣ ខណ្ឌ​ពោធិ៍​សែន​ជ័យ ។

សមត្ថកិច្ចបានឲ្យដឹងថា ម៉ូតូដែលត្រូវចោរគាស់បន្ទាប់យកទៅបាត់នោះម៉ាក​ហុងដា​ឌ្រី​ម ស៊េរី​២០០៨ ពណ៌​ខ្មៅ ពាក់​ស្លាក​លេខ កំពង់ចាម ១A-៣២៥៤ ជាកម្មសិទ្ធរបស់ឈ្មោះ ឡេ​ង ច​ន្ថា ហៅ​ស្រី​ម៉ៅ ភេទ​ស្រី អាយុ​៣០​ឆ្នាំ ស្នាក់​នៅ​បន្ទប់​ជួល​ភូមិ​ជម្ពូ​វ័​ន្ត សង្កាត់​ចោម​ចៅ​៣ ខណ្ឌ​ពោធិ៍​សែន​ជ័យ មានស្រុក​កំណើត​នៅ​ភូមិ​ព្រៃ បឹង​ឃុំ​ថ្ម​ពូន ស្រុក​ព្រៃឈរ ខេត្តកំពង់ចាម ។

តាម​ប្រភព​ព័ត៌មាន​ពី​ជន​រង​គ្រោះ​បាន​និយាយ​ថា នៅ​មុន​ពេល​កើតហេតុ រូប​នាង​ត្រូវ​បាន​មិត្ត​ប្រុស​ម្នាក់​ដែល​ជា​មិត្ត​រួមការ​ងារ​បាន​ហៅ​នាង​ទៅ​ហូប​បាយ​ឆា​នៅ​ម្ដុំ​រង្វង់​មូល​ចោម​ចៅ មុន​នឹង​ទៅ​នាង​បាន​យក​ម៉ូតូ​ទុក​នៅ​ក្នុង​បន្ទប់​ជួល​របស់​នាង ហើយ​ចាក់សោ​ម៉ូតូ និង​ចាក់សោ​បន្ទប់​ជួល​រួច ហើយ​នាង​បាន​ជិះ​ម៉ូតូ​ជាមួយ​មិត្ត​ប្រុស ។ លុះដល់​កន្លែង​លក់​បាយ​ឆា នាង និង​មិត្ត​ប្រុស បាន​ហៅ​បាយ​ឆា​ហូប ពេល​ហូប​បាយ​ឆា​នាង​បាន​អង្គុយ​ជជែក​គ្នា​បណ្ដើរ​ហូប​បណ្ដើរ រយៈពេល​ប្រមាណ​កន្លះ​ម៉ោង​មិត្ត​ប្រុស​នាង​បាន​ឌុ​ប​នាង​ទៅ​បន្ទប់​ជួល​វិញ ពេល​ទៅ​ដល់​ជិត​មុខ​បន្ទប់​ស្រាប់តែ​ឃើញ​បន្ទប់​ជួល​របស់​នាង​ចំហ​ទ្វារ ក៏​បាន​ចូល​ទៅ​មើលស្រាប់តែបាត់ម៉ូតូនិង​របស់របរ​ក្នុង​បន្ទប់​មិនឃើញ​។

ក្រោយ​ពេល​កើតជនរងគ្រោះ បាន​នាំ​គ្នា​ទៅ​ប្តឹង​នៅ​ប៉ុស្តិ៍​នគរបាល​រដ្ឋបាល​ចោម​ចៅ​៣ ដើម្បី​ឲ្យ​សមត្ថកិច្ច​ជួយ​ស្រវជ្រាវ ៕ សុខាសែនជ័យ


ចែករំលែក៖