សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ នៅថ្ងៃអង្គារ ៦រោច ខែមាឃ ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី៦ ខែកុម្ភៈ ឆ្នាំ២០១៨ វេលាម៉ោង ១៥ សមត្ថកិច្ចនគរបាលស្រុកស្ទោង បានធ្វើការឃាត់ខ្លួនជនសង្ស័យ ម្នាក់ដែលបានធ្វើសកម្មភាពឆរបោកយកម៉ូតូកាលពីខែតុលា ឆ្នាំ២០១៧បានហើយ ។
លោក វ៉នសុ ភ័ណ អធិការរងស្រុកស្ទោង បានឲ្យដឹងថា ពាក់ពន្ធ័ករណីឆបោកម៉ូតូ គឺ (មូលហេតុ ជនសង្ស័យ និង ជនរងគ្រោះ ជាមិត្តភ័ក្កនិងគ្នា បានឲ្យម៉ូតូខ្ចីជិះសិន តែបែរជាជនសង្ស័យ ជិះយកម៉ូតូទៅបាតស្រមោល មិន ត្រឡប់វិញឡើយ ) ម៉ូតូ ម៉ាក Hongda Dream C125 ពណ៌ខ្មៅ សេរី2014 លេខតួ និង លេខម៉ាស៊ីន គ្មាន ស្លាកលេខ គ្មានឯកសារអ្វីទាំងអស់ កាលពីខែតុលា ឆ្នាំ២០១៧ នោះ ជនសង្ស័យ ឈ្មោះ ឡា.រស្មី ភេទប្រុស អាយុ ១៩ឆ្នាំ មានទីលំនៅភូមិឈើទាល ឃុំកំពង់ចិនត្បូង ស្រុកស្ទោង ខេត្តកំពង់ធំ ។ ចំណែកជនរងគ្រោះឈ្មោះ ឆេង គីម ភេទប្រុស អាយុ ២៩ឆ្នាំ ទីលំនៅភូមិភូមិត្រាច ឃុំកំពង់ចិនជើង ស្រុកស្ទោង ខេត្តកំពង់ធំ ។
នៅថ្ងៃពុធ ៧រោច ខែមាឃ ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី៧ ខែកុម្ភៈ ឆ្នាំ២០១៨ សមត្ថកិច្ចរៀបចំឯកសារបញ្ចូន ជនសង្ស័យទៅស្នងការខេត្តកំពង់ធំ ដើម្បីចាត់ការណ៍តាមច្បាប់ ៕ ប៊ុន រិទ្ធី
