សារព័ត៌មាន នគរវត្ត តែងតែនាំមុខគេជានិច្ច
ខេត្តកំពត៖ ស្ត្រីម្នាក់ បានរងរបួសធ្ងន់ស្ទើរសុះសាច់ ហើយត្រូវបានបងប្អូនកូន ចៅ ដឹកទៅសង្គ្រោះភ្លាមៗនៅមណ្ឌលសុខភាពស្រុក បន្ទាប់ពីមានជម្លោះជាមួយនិងប្តីរឿងលក់ទូខោអាវ ។
ករណីហឹង្សាលើគ្រួសារខាងលើនេះ បានកើតឡើងកាលពីវេលាម៉ោង៧យប់ ថ្ងៃអង្គារ ៦រោច ខែមាឃ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី៦ ខែកុម្ភៈ ឆ្នាំ២០១៨ ស្ថិតក្នុងភូមិព្រៃឈើទាល ឃុំ ប្រភ្នំ ស្រុកអង្គរជ័យ ខេត្តកំពត ។
យោងតាមប្រភពពីមន្រ្តីសមត្ថកិច្ចមូលដ្ឋាន បានឲ្យដឹងថា មូលហេតុនៃការប្រើហឹង្សាប្តីយកពូថៅដៃកាប់ប្រពន្ធនេះ គឺផ្តើមចេញពីការឈ្លោះប្រកែកគ្នា អំពីរឿង ស្រ្តីរងគ្រោះជាប្រពន្ធ បានលក់ទូដាក់ខោអាវឲ្យគេមិនប្រាប់ប្តី ទើបធ្វើប្តីខឹងសម្បា ហើយក៏យកកូនពូថៅដៃ ទៅកាប់ជាច្រើនពូថៅ ចំក្បាល និងខ្លួន បណ្តាលឲ្យរបួសធ្ងន់តែម្តង ។
ជនរងគ្រោះជាប្រពន្ធ មានឈ្មោះ នូច សារ៉ូ ភេទស្រី អាយុ ៥៧ឆ្នាំ ។ ចំណែកឯជនសង្ស័យជាប្តី ឈ្មោះ អ៊ឹម ប៉ានភេទប្រុស អាយុ ៥៧ឆ្នាំ ស្នាក់នៅជាមួយគ្នា ក្នុងភូមិ ឃុំកើតហេតុខាងលើ ។
សមត្ថកិច្ចដដែរ បានបន្តថា មុនពេលកើតហេតុនោះ គឺ២នាក់ប្តីប្រពន្ធ បានឈ្លោះប្រកែកគ្នារឿង ស្រ្តីរងគ្រោះ បានលក់ទូដាក់ខោអាវលក់ឲ្យអ្នកដទៃ ទើបធ្វើប្តីខឹងរហូតឈានទៅយកកូនពូថៅដៃ មកកាប់ប្រពន្ធរបស់ខ្លួនជាច្រើនពូថៅ ចំក្បាល និងខ្លួន បណ្តាលឲ្យរងរបួសធ្ងន់ ហើយត្រូវបានបងប្អូនព្រមទាំងកូន ចៅ ដឹកទៅសង្គ្រោះបន្ទាន់ នៅមន្ទីរពេទ្យបង្អែកស្រុកអង្គរជ័យ។
ក្រោយកើតហេតុ ជនសង្ស័យជាប្តី បានរត់គេចខ្លួនបាត់ដោយបន្សល់ទុកវត្ថុតាង កូនពូថៅដៃចំនួន១ដើម នៅកន្លែងកើតហេតុ ។
បច្ចុប្បន្ន សមត្ថកិច្ចកំពុងធ្វើការស្រាវជ្រាវ ស្វែងរកចាប់ជនដៃដល់(ជាប្តី) យកមកផ្តន្ទាទោសតាមនីតិវិធី ៕ស តារា
