សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ ប្រភពព័ត៌មានពីមន្ត្រីនគរបាលរបស់ស្នងការដ្ឋាននគរបាលខេត្តព្រះសីហនុបានឲ្យដឹងថាៈ នៅវេលាម៉ោងប្រមាណ១៧និង៥៥នាទី ថ្ងៃពុធ ៧រោច ខែមាឃ ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី៧ ខែកុម្ភៈ ឆ្នាំ២០១៨ នៅផ្លូវ៧មករា ខាងក្រោយ មន្ទីរពេទ្យបង្អែកខេត្តព្រះសីហនុ(ហៅពេទ្យចំការចេក) សង្កាត់លេខ៤ ក្រុងព្រះសីហនុ ខេត្តព្រះសីហនុ មានគ្រោះថ្នាក់ចរាចរណ៍មួយកើតឡើង។
ប្រភពបន្តថា ហេតុការណ៍គ្រោះថ្នាក់គឺបង្កដោយរថយន្តកូរ៉េដឹកទំនិញ១គ្រឿងម៉ាកKIA ពណ៌ខៀវ ពាក់ស្លាកលេខ ព្រះសីហនុ2A-1690 បើកបរដោយឈ្មោះ ឈាន អៀម ភេទប្រុស អាយុ ២៨ឆ្នាំ មុខរបរជាងដែក មានទីលំនៅភូមិ៦ សង្កាត់លេខ៤ ក្រុងព្រះសីហនុ ខេត្តព្រះសីហនុ មានទិសដៅពីលិចទៅ កើត ដល់ចំណុចខាងលើ បានកិនប្រអប់ជើងបុរសម្នាក់ ឈ្មោះ អ៊ុក ផាន ភេទ ប្រុស អាយុ៦៣ឆ្នាំ ដែលគាត់កំពុងអង្គុយលើម៉ូតូ បណ្ដាលឲ្យរងរបួស បែកប្រអប់ជើងខាងឆ្វេង ធ្ងន់ធ្ងរ។
ករណីនេះសមត្ថកិច្ចបានឃាត់ រថយន្តនិងអ្នកបើកបរ មកសាកសួរនៅការិយាល័យនគរបាលចរាចរណ៍ផ្លូវគោក ដើម្បី ដោះស្រាយតាមនីតិវិធី ៕ ឆ្លាម សមុទ្រ
