សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៤ល្ងាចថ្ងៃពុធ ៧រោច ខែមាឃ ឆ្នាំរកា នព្វស័ក ព.ស. ២៥៦១ ត្រូវនឹងថ្ងៃទី៧ ខែកុម្ភៈ ឆ្នាំ២០១៨ នៅលើផ្លូវជាតិលេខ៤ ចន្លោះ គីឡូម៉ែត្រ១៦៣-១៦៤ ស្ថិតនៅភូមិ តានៃ ឃុំតានៃ ស្រុក ព្រៃនប់ ខេត្តព្រះសីហនុ។
តាមប្រភពពីសមត្ថកិច្ចបានអោយដឹងថា៖ រថយន្តម៉ាក ឡិចស៊ីស RX៣៣០ ពណ៌ស ពាក់ស្លាក លេខ ភ-ព ២AB១០៨៥ បើកបរដោយឈ្មោះ យ៉ត វុទ្ធី ភេទ ប្រុស អាយុ៤២ មុខរបរ បើកបរ មានទីលំនៅ សង្កាត់ បឹងកក់២ ខណ្ឌទួលគោក ភ្នំពេញ(គ្មានរងរបួស) បានបុកម៉ូតូម៉ាកវេវ ពណ៌ខ្មៅ គ្មានស្លាកលេខ បើកបរដោយឈ្មោះ មឿន សារី ភេទប្រុស អាយុ ២៨ឆ្នាំ មានទីលំនៅ ភូមិតានៃ ឃុំ តានៃ ស្រុកព្រៃនប់ ខេត្តព្រះសីហនុ(រងរបួសធ្ងន់)។
ក្រោយកើតហេតុ ជនរងគ្រោះ ត្រូវបានក្រុមគ្រួសារបញ្ជូនទៅគ្លីនិកឯកជនវាលរេញ ចំណែករថយន្ត និងម៉ូតូត្រូវបាន ប៉ូលីសចរាចរណ៍ ស្រុកព្រៃនប់យកទៅរក្សាទុកដើម្បីដោះស្រាយបន្ត ៕ ឆ្លាម សមុទ្រ
