សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ ៖ កាលពីម៉ោងជិត១១កន្លះយប់ ថ្ងៃ១៥ ខែកុម្ភៈ ឆ្នាំ២០១៨ បុរសជនជាតិចិនម្នាក់រងរបួសធ្ងន់លើដងខ្លួនដោយស្នាមកាំបិតយ៉ាងតិច៣កន្លែង ដោយសារជនជាតិចិនដូចគ្នាកាប់ចាក់នឹងកាំបិតនៅម្តុំសណ្ឋាគារវិមានខ្សាច់ស ។
ក្រោយកើតហេតុជនរងគ្រោះ ត្រូវបានគេដឹកយកទៅសង្គ្រោះនៅគ្លីនិកឯកជន ប៉ុន្តែដោយរបួសធ្ងន់ពេកខាងពេទ្យឯកជនមិនហ៊ានទទួល ទើបគេនាំជនរងគ្រោះទៅកាន់មន្ទីរពេទ្យបង្អែកខេត្ត ។
ប៉ូលីសមិនទាន់បង្ហាញអត្តសញ្ញាណជនរងគ្រោះ និងមូលហេតុនៃជម្លោះនោះនៅឡើយទេ ។
សមត្ថកិច្ចកំពុងស្រាវជ្រាវអំពីរឿងហេតុនិងសាវតាអត្តសញ្ញាណជនរងគ្រោះ និងភាគីជម្លោះដើម្បីដោះស្រាយតាមផ្លូវច្បាប់៕ ឆ្លាម សមុទ្រ
