សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ ព័ត៌មានរបស់ មន្ត្រីស្នងការដ្ឋាននគរបាល ខេត្តព្រះសីហនុ បានឲ្យដឹងថា៖ នៅវេលាម៉ោងប្រមាណ១៨:៣០ នាទី ថ្ងៃអង្គារ ៦កើត ខែផល្គុន ឆ្នាំរកា នព្វស័ក ព.ស. ២០១៦ ត្រូវនឹងថ្ងៃទី២០ ខែកុម្ភៈ ឆ្នាំ២០១៨ មានបុរសជនជាតិខ្មែរឥស្លាមម្នាក់ បានស្រវឹងស្រា ហេីយដេីរដួលស្លាប់។
ហេតុការណ៍នេះ បានកើតឡើងនៅភូមិព្រែកសង្កែ ឃុំទឹកថ្លា ស្រុកព្រៃនប់ ខេត្តព្រះសីហនុ បុរសរងគ្រោះ ឈ្មោះ ហ្គេះ សាន់ ភេទប្រុស អាយុ៤៩ឆ្នាំ ជនជាតិខ្មែរឥស្លាម មុខរបរកសិករ រស់នៅភូមិ ឃុំខាងលេី។
តាមការបំភ្លឺរបស់ប្រជាពលរដ្ឋនៅជិតកន្លែងកើតហេតុ បានឲ្យដឹងថាៈ ជនរងគ្រោះស្រវឹងស្រា សុខភាពខ្សោយ ដេីរដួលដោយខ្លួនឯង ទ្រូងបុកផ្ទប់ទៅនឹងគល់ឈេី ហេីយ ក្បាលជ្រមុជក្នុងទឹកប្រឡាយ បណ្ដាលឲ្យស្លាប់ តែម្តង។
ក្រោយពីពិនិត្យ ដោយមានការចូលរួមមាន៖ លោកមេភូមិ លោកមេឃុំ និង នគរបាលប៉ុស្តិ៍រដ្ឋបាលឃុំទឹកថ្លា សមត្ថកិច្ចសន្និដ្ឋានថា៖ ជនរងគ្រោះស្លាប់ដោយសារ ស្រវឹងស្រា ដេីរដួលផ្កាប់មុខ បណ្តាលឲ្យទ្រូងបុក នឹងគល់ឈេី ពិតប្រាកដមែន ៕ ឆ្លាម សមុទ្រ
