សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បានរងរបួសស្រាល និងម៉ូតូបានឆេះខ្ទេចខ្ទីនៅគ្រោងដែក បន្ទាប់ពីបានត្រូវរថយន្តរ៉េនរ៉ូវើមួយគ្រឿង បើកបរដោយបុសម្នាក់ និងស្ត្រីម្នាក់ទៀត បើកបុកពេញទំហឹង ខណៈដែលជនរងគ្រោះកំពុងជិះម៉ូតូឆ្លងផ្លូវបណ្តាលឲ្យម៉ូតូនៅក្រោមរថយន្តអូសរាប់រយម៉ែត្រនៅមុខលែងរួច។
ហេតុការណ៍គ្រោះថ្នាក់នេះកើតឡើងកាលពីវេលាម៉ោង៩និង២០នាទីយប់ ថ្ងៃអាទិត្យ ១១កើត ខែផល្គុន ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២៥ ខែកុម្ភៈ ឆ្នាំ២០១៨ ស្ថិតនៅចំណុចស្តុបរង្វង់មូលទួលគោកចាស់ តាមបណ្តោយផ្លូវ២៨៩ កែងនឹងផ្លូវ៥៩២ ក្នុងសង្កាត់បឹងកក់២ ខណ្ឌទួលគោក រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេយុគេឃើញបុរសម្នាក់រួមដំណើរ និងស្ត្រីម្នាក់ទៀតបើករថយន្តមួយគ្រឿងម៉ាករ៉េងរ៉ូវើ ពណ៌ខ្មៅ គ្នានស្លាកលេខ បើកបរតាមបណ្តោយផ្លូវ២៨៩ ទិសដៅពីត្បូងទៅជើង លុះមកដល់ចំណុចកើតខាងលើ ក៏មានម៉ូតូមួយគ្រឿងម៉ាកស្កុបពី ពណ៌ផ្កាឈូក (បាត់ស្លាកលេខ) ជិះដោយយុវជនម្នាក់ តាមបណ្តោយផ្លូវ៥៩២ ទិសដៅពីលិចទៅកើត ឆ្លងផ្លូវទៅម្ខាងទៀត បានពាក់កណ្តាលត្រូវបានរថយន្តបុកចំពាក់កណ្តាលពេញទំហឹងបណ្តាលឲ្យម្ចាស់ម៉ូតូខ្ទាតចេញពីម៉ូតូរងរបួសស្រាល
ចំណែកម៉ូតូនៅក្រោមរថយន្តហើយបានព្យាយាមបើករត់គេចខ្លួនអូសទាំងម៉ូតូរាប់រយម៉ែត្រមកដល់ចំណុចផ្លូវ២៩១កែង និងផ្លូវ៥៦៦ ក្រោយសាលាបឋមសិក្សាទួលគោក ក្នុងសង្កាត់បឹងកក់១ បណ្តាលឲ្យឆេះម៉ូតូ ត្រូវបានប្រពលរដ្ឋឃើញហេតុការណ៍នេះ បានយកបំពង់ពន្លត់អគ្គិភ័យបាញ់ទាន់ពេកភ្លាមៗ កុំអីឆេះខ្ទេចទាំងរថយន្ត គ្មានសល់ ភ្លាមៗនោះ ម្ចាស់រថយន្តបង្កត្រូវបានប្រជាពលរដ្ឋចាប់ឃាត់ខ្លួន និងត្រូវបានប្រជាពលរដ្ឋវាយទៅលើ ម្ចាស់រថយន្តបង្ក តែត្រូវបានកម្លាំងសមត្ថកិច្ចចុះមកអន្តរាគមន៍ទាន់ពេល កុំអីទ្រមខ្លួនមិនខានឡើយ ។
ក្រោយកើតហេតុសមត្ថកិច្ចជំនាញបានចុះមកវាស់វែងយកម៉ូតូ និងរថយន្តព្រមទាំងម្ចាសស់រថយន្តបង្ក មកអធិការដ្ឋាននគរបាលខណ្ឌទួលគោករង់ចាំដោះស្រាយគ្នាទៅតាមផ្លូវច្បាប់៕ សុខាសែនជ័យ
