សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសដែលស្គាល់ថា ជាអ្នករត់ម៉ូតូឌុបម្នាក់ មិនដឹងថាចេញពីមកផឹកទឹកប្តូរនិស្ស័យនៅកន្លែងណានោះទេ គឺបានជិះម៉ូតូមកឈប់ស្ងៀម រួចហើយចុះពីលើម៉ូតូមកដេកលើចិញ្ចើមផ្លូវ ដោយមិនខ្វល់ពីទ្រព្យសម្បត្តិរបស់ខ្លួនឯងបន្តិចសោះ កាលពីវេលាម៉ោង០៩យប់ ថ្ងៃអាទិត្យ ៣រោច ខែផល្គុន ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី៤ ខែមីនា ឆ្នាំ២០១៨ នៅចំណុចក្រោមស្ពានអាកាសស្ទឹងមានជ័យ ផ្លូវ២១៧ សង្កាត់ទំនប់ទឹក ខណ្ឌចំការមន ។
តាមប្រភពព័ត៌មានពីបងប្អូនប្រជាពលរដ្ឋដែរធ្វើដំណើរតាមផ្លូវ បានឲ្យដឹងថា ពួកគាត់កំពុងតែជិះម៉ូតូធ្វើដំណើរតាមផ្លូវ ក៏ស្រាប់តែប្រទះឃើញបុរសជាអ្នករត់ម៉ូតូឌុបម្នាក់នេះ មិនដឹងថាចេញពីមកផឹកទឹកប្តូរនិស្ស័យនៅកន្លែងណានោះទេ គឺបានជិះម៉ូតូម៉ាកសង់កូរ៉េ ពណ៌ក្រហម ពាក់ផ្លាកលេខ ភ្នំពេញ ១AH-៧០៥១ មកដល់ចំណុចក្រោមស្ពានអាកាសស្ទឹងមានជ័យ ក៏ស្រាប់តែឈប់ម៉ូតូ រួចហើយបានដោះអាវចេញ រួចដាក់ខ្លួនដេកលើចិញ្ចើមផ្លូវលង់លក់យ៉ាងស្កប់ស្កល់ ដោយមិនខ្វល់ពីទ្រព្យសម្បត្តិរបស់ខ្លួនឯងនោះទេ ។
ក្រោយពេលកើតហេតុ ដោយសារតែមិនមានអ្នកខ្វល់ពីគាត់ព្រមទាំងគ្មានសាច់ញាតិណាមករក បុរសរូបនោះបានសម្រេចដេកបន្ត ទាល់តែស្វាងស្រវឹងទើបឡើងជិះម៉ូតូបន្តដំណើរទៅមុខជាបន្តទៀត ៕ អរុណរះ
