សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កម្លាំងសមត្ថកិច្ចខណ្ឌ៧មករា ឆ្មក់ចុះបង្ក្រាបទីតាំងជួញដូរនិងចែកចាយគ្រឿងញៀនមួយកន្លែង ដោយឃាត់បានជនសង្ស័យ៤នាក់ ប្រុសម្នាក់ និងស្រី៣នាក់ ដកហូតថ្នាំញៀនម៉ាទឹកកកចំនួន២កញ្ចប់ធំ ថ្នាំក្រវី១៥គ្រាប់ ជញ្ជីងថ្លឹងចំនួន១ និងឧបករណ៍វេចខ្ចប់គ្រឿងញៀនប្រើប្រាស់មួយចំនួនធំ ។
ប្រត្តិបត្តិការណ៍បង្ក្រាបនេះ នៅវេលាម៉ោង១២ថ្ងៃ ពុធ ៥ កើត ខែ ចេត្រ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី ២១ ខែ មីនា ឆ្នាំ ២០១៨ ស្ថិតផ្ទះជួយមួយកន្លែង ផ្លូវដួងហែមលេខ១០៧ សង្កាត់មនោរម្យ ខណ្ឌ៧មករា រាជធានីភ្នំពេញ ។
ក្រោយសមត្ថកិច្ចឆែកឆេររួចមក ជនសង្ស័យប្រុសស្រីទាំង៤នាក់ខាងលើ រួមនឹងវត្ថុតាង ត្រូវបាន បញ្ជូនមកកាន់អធិការដ្នាននគរបាលខណ្ឌ៧មករាដើម្បីកសាងសុំណុំរឿងចាត់ការតាមនីតិវិធី ៕ ស រស្មី
