សារព័ត៌មាន នគរវត្ត តែងតែនាំមុខគេជានិច្ច
ខេត្តរនគិរី៖ ផ្ទះ២ខ្នង លក់ឥវ៉ាន់ចាប់ហ៊ួយត្រូវអគ្គិភ័យឆេះទាំងព្រឹកខ្ទេចគ្មានសល់ ដោយមិនដឹងមូលហេតុ ។
ហេតុការណ៍នេះបានកើតឡើងនៅវេលាម៉ោង៨ព្រឹក ថ្ងៃពុធ ៥កើត ខែចេត្រ ឆ្នាំ រកា នព្វស័ក ព.ស.២៥៦១ ត្រូវនឹងថ្ងៃទី២១ ខែមីនា ឆ្នាំ២០១៨ ស្ថិតនៅភូមិហ្វាំង ឃុំប៉ុង់ ស្រុកវើនសៃ ខេត្តរតនគិរី ។
យោងតាមប្រភពបានឲ្យដឹងថា ករណីភ្លើងឆេះផ្ទះនេះ អស់ពីរខ្នង ទទឹង១០ម៉ែត្រ បណ្តោយ១២ម៉ែត្រ ជញ្ជាំងឈើ ប្រក់ដំបូលប្រូសុីម៉ង់ត៍ មិនដឹងមូលហេតុអ្វីទេ ដែលបណ្តាលឲ្យឆេះផ្ទះខាងលើនេះ ។
ម្ចស់ផ្ទះឈ្មោះ ព្រៀនា អាយុ៣៨ឆ្នាំ ជនជាតិឡាវ ប្រពន្ធឈ្មោះ កែវ ថង ជនជាតិឡាវ មានកូន៣នាក់ ស្រី២នាក់ ប្រុស១នាក់ ក្នុងបន្ទុក ។
គាត់ជាម្ចាស់ផ្ទះនោះបានប្រាប់ថា លោកកំពុងជូសជុលម៉ាសីុននៅក្នុងផ្ទះ ខណៈនោះស្រាប់តែមានអណ្តាតភ្លើងឆេះចេញពីមុខផ្ទះយ៉ាងសន្ធោសន្ធៅ ឆេះចេញពីឥវ៉ាន់ចាប់ហ៊ួយរបស់គាត់នោះតែម្តង ពេលដែលប្រពន្ធ និងកូនរបស់គាត់កំពុងតែនៅដេកក្នុងផ្ទះនៅឡើយ ។
លោកបន្តថា ឥវ៉ាន់ចាប់ហ៊ួយ និងឥវ៉ាន់ផ្សេងៗជាច្រើនទៀត បូករួមនឹងផ្ទះសរុបប្រមាណជិត១ម៉ឺនដុល្លារ តែមិនបង្កឲ្យមានរងគ្រោះដល់អាយុជីវិតមនុស្ស ឬរងរបួសនោះទេ ។
ខណៈនេះ ក្រុមគ្រួសារខាងលើ កំពុងជូបការលំបាកបញ្ហាជីវភាពរបស់ពួកគាត់ខ្លាំងណាស់ ដូចជាពាក្យចាស់ លោកពោលថា សុខចិត្តលិចទូកកណ្តាលទន្លេ កុំឲ្យភ្លើងឆេះផ្ទះ មិនខុសទេ ៕ ជីវន្ត
