រថយន្តយីឌុក ប្រភេទ៥តោន បើកបុកម៉ូតូផ្ទប់រថយន្តក្រុង បណ្ដាលឲ្យម្ចាស់ម៉ូតូរងរបួសធ្ងន

ភ្នំពេញៈ រថយន្តយីឌុកមួយគ្រឿងដែលជារថយន្តដឹកភេសជ្ជៈរបស់ក្រុម ខារ៉ាបាវ បានបើកទៅបុកម៉ូតូ ភីស៊ីអិច ផ្ទប់ និង រថយន្តក្រុងបណ្ដាលឲ្យរងរបួសធ្ងន។

ហេតុការណ៍នេះ កើតឡើងកាលពីវេលាម៉ោង១០និង៤៥នាទីព្រឹក ថ្ងៃអង្គារ ១១កើត ខែចេត្រ ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី២៧ ខែមីនា ឆ្នាំ២០១៨ ចំណុចខាងមុខហាង កាហ្វេ Amazon នៅតាមបណ្ដោយផ្លូវលេខ៤៣០ កែងផ្លូវលេខ១៨៣ ស្ថិតក្នុងសង្កាត់ទន្លេទំនប់ទឹក ខណ្ឌចំការមន។ ជនរងគ្រោះនៅមិនទាន់ស្គាលអន្តសញ្ញាណនៅឡើយទេ។

ប្រភពព័ត៌មានពីមន្ត្រីសមត្ថកិច្ចបានឲ្យដឹងថា នៅពេលកលតហេតុគេឃើញរថយន្តក្រុង និង ម៉ូតូរងគ្រោះធ្វើដំណើស្រប់ទិសគ្នា ដោយគេដឹងថារថយន្តក្រុង ជាប្រភេទរថយន្តទេសចរណ៍ របស់ក្រុមហ៊ុន ខាយ ណាម ត្រេនស្ព័រ ថេសិន ពណ៌ទឹកសមុទ្រ ពាក់ស្លាកលេខ ភ្នំពេញ 3B-1199 ធ្វើដំណើតាមបណ្ដោយផ្លូវលេខ៤៣០ ទិសដៅពីលិចទៅកើត ស្រប់ជាមួយម៉ូតូ ភីស៉ីអិច ពណ៌ស ពាក់ស្លាកលេខ ភ្នំពេញ 1DO-1665 បើកបរដោយបុរសម្នាក់ ភ្លាមៗនោះ ក៏មានរថយន្តមួយគ្រឿង ជារថយន្តដឹក ភេសជ្ជៈរបស់ក្រុមហ៊ុន ខារ៉ាបាវ ពណ៌បៃតង ពាក់ស្លាកលេខ ភ្នំពេញ 3C-4340 ធ្វើដំណើតាមបណ្ដោយផ្លូវលេខ១៨៣ ទិសដៅពីត្បូងទៅជើង ខណៈមកដល់ចំណុចកើតហេតុបានបោលទៅបុកម៉ូតូភីស៉ីអិច ដែលបើកឆ្លងថ្នល់ ផ្ទប់ជាមួយរថយន្តក្រុងពេញទំហឹងបណ្ដាលឲ្យម្ចាស់ម៉ូតូ ភីស៉ីអិចរងរបួសធ្ងនបញ្ជូនទៅមន្ទីពេទ្យភ្លាមៗ។ ម្ចាស់រថយន្តបង្កបានរត់គេចខ្លួនបន្សល់ទុកតែរថយន្តនៅកន្លែងកើតហេតុ។

ក្រោយពេលកើតហេតុកម្លាំងសមត្ថកិច្ចជំនាញ់ចរាចរណ៍ខណ្ឌចំការមន ទំនាក់ទំនងសមត្ថកិច្ចជំនាញចរាចរណ៍ក្រុងចុះមកវាស់វែងយករថយន្តបង្ក និង ម៉ូតូរងគ្រោះយកទៅរក្សាទុកនៅការិយា័យចរាចរណ៍ជើងគោកនៃរាជធានីភ្នំពេញ រង់ចាំដោះស្រាយនីពេលក្រោយ ៕​ ស រស្មី