សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ប្រសាសន៍សំខាន់ៗរបស់ សម្តេចតេជោ ហ៊ុន សែន នាឱកាសបានអញ្ជើញចុះជួបសំណេះ សំណាលជាមួយកូនក្មួយកម្មករ និងកម្មការិនីប្រមាណ១៤,៦៩៤នាក់ មកពី រោងចក្រសហគ្រាសចំនួន២៣ នៅតំបន់ព្រៃទា ក្នុងខណ្ឌពោធិ៍សែនជ័យ រាជធានីភ្នំពេញ នៅព្រឹកថ្ងៃពុធ ១២កើត ខែចេត្រ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី ២៨ ខែមីនា ឆ្នាំ២០១៨ នេះ
សម្តេចតេជោ ហ៊ុន សែន៖ កម្មករ-កម្មការិនីតាមរោងចក្រខ្លះ នៅខេត្តកណ្តាល មានប្រាក់បំណាច់ និងប្រាក់អតីតភាពរហូតដល់ជាង២ម៉ឺនដុល្លារឯណោះ…!!!
សម្តេចតេជោ ហ៊ុន សែន៖ ថ្ងៃនេះអត់និយាយសារនយោបាយអីទេ និយាយម្សិលម៉ិញវាគ្រប់គ្រាន់ហើយ គឺ២មិន និង១មាន៖
១/ មិនចរចាជាមួយពួកក្បត់ជាតិ
២/ មិនសុំឱ្យមានការលើកលែងទោស(ក្រុម បក្ខពួក បនភឿនអាក្បត់ជាតិ)
៣/មានការបោះឆ្នោតជាធម្មតានៅថ្ងៃទី២៩ ខែកក្កដា ឆ្នាំ២០១៨
សម្តេចតេជោ ហ៊ុន សែន៖ ឆ្នាំនេះយកបទចម្រៀងចង្វាក់«សារាវ៉ាន់»ជាគោលដើម្បីរាំអបអរសាទរបុណ្យចូលឆ្នាំថ្មី ប្រពៃណីជាតិខ្មែរ។
សម្តេចតេជោ ហ៊ុន សែន បានប្រកាសអំពាវនាវសារជាថ្មីដល់កម្មករ-កម្មការិនី តាមរោងចក្រទាំងអស់ចូលរួមរក្សាសន្តិភាព សន្តិសុខ សណ្តាប់ធ្នាប់ សាធារណៈ ដើម្បីបង្កលក្ខណៈងាយស្រួលឱ្យកម្រិតជីវភាពរបស់កម្មករ-កម្មការិនី កាន់តែល្អប្រសើរឡើង។
សម្តេចតេជោ ហ៊ុន សែន បានប្រកាសអំពាវនាវដល់ម្ចាស់រថយន្តឈ្នួលទាំងអស់ សូមកុំឡើងថ្លៃក្នុងឱកាសដែលប្រជាពលរដ្ឋធ្វើដំណើរទៅស្រុកកំនើតដើម្បីអបអរសាទរបុណ្យចូលឆ្នាំថ្មី ប្រពៃណីជាតិ នាពេលខាងមុខឆាប់ៗនេះ។
រដ្ឋាករស្វយ័តដឹកជញ្ជូនសាធារណៈរថយន្តក្រុង នឹងបើកឱ្យប្រជាពលរដ្ឋធ្វើដំណើរតាមរថយន្តក្រុងសាធារណៈរយៈពេល៣ថ្ងៃ ក្នុងឱកាសបុណ្យចូលឆ្នាំថ្មី ដោយឥតគិតថ្លៃ។
សម្តេចតេជោ ហ៊ុន សែនប្រកាសចូលរួមលេងល្បែងប្រជាប្រិយកម្សាន្តសប្បាយជាមួយកម្មករ-កម្មការិនីរោងចក្រនៅតំបន់សេដ្ឋកិច្ចពិសេសរាជធានីភ្នំពេញ ដោយគ្មានសុន្ទរកថាឡើយ។
សង្កថាសម្តេចតេជោ ហ៊ុន សែន សំណេះ សំណាលជាមួយកម្មករ -កម្មការិនី ប្រមាណ១៤,៦៩៤នាក់ មកពីរោងចក្រសហគ្រាសចំនួន២៣ នៅតំបន់ព្រៃទា ក្នុងខណ្ឌពោធិ៍សែនជ័យ រាជធានីភ្នំពេញ បានបញ្ចប់នៅវេលាម៉ោង០៨ និង៥០នាទី៕
