សារព័ត៌មាន នគរវត្ត តែងតែនាំមុខគេជានិច្ច
បន្ទាយមានជ័យ ៖ បុណ្យចូលឆ្នាំថ្មីមិនទាន់ត្រាស់ផងកំពុងសប្បាយរាំរែកភ្លើងឆេះកុដិព្រះគ្រូចៅអធិការវត្តដងរុនផ្អើលឆោឡោអស់ថវិកាជាង១០លានរៀលដែលកើតឡើងនៅម៉ោង៤ និង៥០នាទី ថ្ងៃពុធ ៤កើត ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៨ ខែមេសា ឆ្នាំ២០១៨ ស្ថិតភូមិដងរុន ឃុំបន្ទាយនាង ស្រុកមង្គលបូរី។
លោកវរសេនីយ៍ឯក ស៊ិន ណារ៉ាក់ អធិការនគរបាលស្រុកមង្គលបូរីបានប្រាប់ថានៅពេលដែលអគ្គិភ័យឆាបឆេះកុដិព្រះគ្រូចៅអធិការវត្តព្រះនាម ពូក សារិទ្ធ ព្រះជន៣១ឆ្នាំគឺនៅថ្ងៃបុណ្យចូលថ្មីប្រពៃណីខ្មែរត្រូវឆ្នាំច ឆ្នាំ២០១៨នៅលេងកំសាន្តមិនទាន់ត្រាស់ហើយដែលកំពុងរាំរែកធុងបាស់សប្បាយស្រាប់តែអគ្គិភ័យបានឆាបឆេះកុដិយ៉ាងសន្ធោសន្ធៅបាននាំគ្នាផ្អើលឆោឡោទៅជួយពន្លត់។
លោកបានបញ្ជាក់ថា ពេលដែលអគ្គិភ័យឆាបឆេះរថយន្តពន្លត់អគ្គិភ័យចំនួន៣គ្រឿងមានរបស់ស្នងការដ្ឋាននគរបាលខេត្ត២គ្រឿង និងរថយន្តពន្លត់អគ្គិភ័យអធិការដ្ឋាននគរបាលស្រុកមង្គលបូរី១គ្រឿងបានធ្វើអន្តរាគមន៍ និងបាញ់ពន្លត់។ អគ្គិភ័យដែលឆាបឆេះការសន្និដ្ឋានដំបូងកុដិអស់ទាំងស្រុង១ខ្នងឈើលើថ្មក្រោមដែលមានទទឹង៨ម៉ែត្រ និងបណ្តោយ១២ម៉ែត្រហើយអស់សម្ភារៈទាំងស្រុងដែលសរុបថវិកាប្រមាណជាង១០លានរៀល។
ប្រជាពលរដ្ឋបានបញ្ជាក់ថា នៅពេលដែលអគ្គិភ័យឆាបឆេះកុដិព្រះគ្រូចៅអធិការវត្តដងរុនគឺបងប្អូនប្រជាប្រពលរដ្ឋកំពុងរាំលេងកំសាន្តសប្បាយនៅថ្ងៃបុណ្យចូលឆ្នាំថ្មីដែល និងត្រូវត្រាស់នៅថ្ងៃទី១៩ ខែមេសា ឆ្នាំ២០១៨ហើយត្រូវបានអគ្គិភ័យឆាបឆេះបណ្តាលផ្អើលឆោឡោ។
លោកឧត្តមសេនីយ៍ទោ អាត់ ខែម ស្នងការគរបាលខេត្តបានបញ្ជាក់ថាដែលឆាបឆេះកុដិនេះការសន្និដ្ឋានដំបូងគឺបណ្តាលផ្ទុះចរន្តអគ្គិសនីបណ្តាលឆេះកុដិហើយសំណូមពរសុំអោយបងប្អូនប្រជាពលរដ្ឋត្រូវមានការប្រុងប្រយ័ត្នមុនចេញដំណើរទៅណាមកណាត្រូវបិទគុបភ្លើង និងពន្លត់ធូបទានការពារអគ្គិភ័យកើតឡើង៕ សំ វិច្ឆិកា
