សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ទីតាំងណេត២៤ម៉ោងលើ ២៤ម៉ោងជាច្រើនកន្លែងនៅតែបន្តធ្វើអាជីវ កម្មដោយរលូនដោយបានបង្កប់ល្បែងស៊ីសងគ្រប់ប្រភេទមានល្បែងភ្នាល់បាល់ បៀ និងល្បែងជាច្រើនប្រភេទទៀតដែល ឡាយចេញពីកាស៊ីណូផ្ទាល់ខណៈដែល អាជ្ញាធរខណ្ឌមានជ័យគ្មានវិធានការ បង្ក្រាបទាល់តែសោះធ្វើឲ្យប្រជាពលរដ្ឋមានការព្រួយបារម្ភកាន់តែខ្លាំងព្រោះក្នុងមូលដ្ឋាន របស់ពួកគាត់ពោរពេញដោយល្បែងស៊ី សងតាមអនឡាញបង្កជាបទល្មើស លួច ឆក់ ប្លន់ ជាដើម ។
ប្រភពព័ត៌មានពីប្រជាពលរដ្ឋម្នាក់សុំ មិនបញ្ចេញឈ្មោះ បានប្រាប់អ្នកយកព័ត៌មានឲ្យដឹងថា ទីតាំងណេត២៤ម៉ោងលើ២៤ម៉ោងជាច្រើនកន្លែងនៅក្នុងខណ្ឌមានជ័យមានបង្កប់ល្បែងភ្នាល់ស៊ីសង គ្រប់ប្រភេទបៀ បាល់ ដែលជាការផ្សាយបន្តផ្ទាល់ ចេញពីបណ្តាកាស៊ីណូ ។
ចំពោះបញ្ហាទាំងនេះ នៅពេលមាន ការប្រជុំគណៈបញ្ជាការឯកភាពរដ្ឋបាល ខណ្ឌមានជ័យប្រចាំខែម្តងៗគេឮស្ទើរតែ ស្រង្កៀរត្រជៀកទៅហើយថា ចុះបង្ក្រាប ឲ្យអស់ល្បែងស៊ីងសងគ្រប់ប្រភេទជា ពិសេសទីតាំងណេត២៤ម៉ោងនេះឯង ។ តែផ្ទុយទៅវិញរហូតមកដល់បច្ចុប្បន្ននេះ វាហាក់បីដូចជាគ្មានប្រសិទ្ធភាពទាល់តែសោះ(បង្ក្រាបតែលើបបូរមាត់ប៉ុណ្ណោះ) ។
ចំពោះបញ្ហាខាងលើ លោក ពេជ្រ កែវ មុនី អភិបាល នៃគណៈអភិបាលខណ្ឌ មានជ័យធ្លាប់បានបញ្ជាក់ហើយថា បញ្ហា ល្បែងស៊ីសងទាំងឡាយនោះគឺលោកបានប្រគល់ភារកិច្ចនេះទៅឲ្យអភិបាលរងម្នាក់ជាអ្នកទទួលខុសត្រូវ ហើយអភិបាលរង នីមួយៗទទួលខុសត្រូវភារកិច្ចរៀងៗខ្លួន ។
ចំពោះបញ្ហាខាងលើនេះប្រជាពលរដ្ឋ បានសំណូមពរទៅអាជ្ញាធរ និងសមត្ថកិច្ច ខណ្ឌមេត្តាជួយចុះបង្ក្រាបទីតាំងទាំងនេះផង ព្រោះថា បើមិនបង្ក្រាបទេ គឺពួកគាត់ រស់នៅដោយមានការភ័យខ្លាច ដោយ សារតែទីតាំងនេះជាកន្លែងលេងល្បែងសុីសង ហើយវាអាចកើតមានបទល្មើសគ្រប់ប្រភេទ ៕ ហេង សូរិយា
