សារព័ត៌មាន នគរវត្ត តែងតែនាំមុខគេជានិច្ច
ខេត្ដប៉ៃលិន៖ កាលពីវេលាម៉ោង ០៩និង២៥នាទីព្រឹក ថ្ងៃអង្គារ ២រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១ ខែឧសភា ឆ្នាំ២០១៨ សមត្ថកិច្ចការិយាល័យព្រហ្មទណ្ឌកំរិតធ្ងន់ខេត្តប៉ៃលិន បានសហការ ចុះអនុវត្តដីកាបង្គាប់ឱ្យ ចាប់/ឃុំ ខ្លួន លេខ ២៣ ត.ព្រ ចុះថ្ងៃសុក្រ ០៩រោច ខែមាឃ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី០៩ ខែកុម្ភៈ ឆ្នាំ២០១៨ ចេញដោយលោក លាង សួគ៌ ចៅក្រមជំនុំជម្រះសាលាដំបូងខេត្តប៉ៃលិន នៅចំនុចកាស៊ីណូក្រោន ។
ជនដែលត្រូវចាប់ខ្លួន៖
០១- ឈ្មោះ សាក់ រស្មី ហៅស្នា ភេទប្រុស អាយុ ៣០ឆ្នាំ រស់នៅភូមិភ្នំដំបង សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន
០២- ឈ្មោះ កាន សំប្រង អាយុ៤២ឆ្នាំ មុខរបរ កម្មករ រស់នៅភូមិតាគ្រុក សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន
០៣- ឈ្មោះ ឌុង ធា ភេទ ប្រុស អាយុ៣៥ឆ្នាំ មុខរបរ ជាងសំណង់ រស់នៅភូមិនាងលើ ស្រុករតនះមណ្ឌល ខេត្តបាត់ដំបង
០៤- ឈ្មោះ យាយ អឹម ភេទ ប្រុស អាយុ៣៣ឆ្នាំ មុខរបរ កម្មករនៅថៃ ទីលំនៅមិនពិតប្រាក ក្នុងករណី ជួញដូរ និងរក្សាទុកដោយខុសច្បាប់នូវសារធាតុញៀន ។
ក្រោយពីនាំខ្លួុនជនសង្ស័យទាំង ០៤នាក់ មកកាន់ស្នងការដ្ឋាននគរបាលខេត្តប៉ៃលិន ឈ្មោះ សាក់ រស្មី ហៅស្នា មានដីកាបង្គាប់ឲ្យចាប់-ឃុំខ្លួន របស់ចៅក្រមជំនុំជម្រះ លាង សួគ៌ ការិយាល័យប្រឆាំងបទល្មើសគ្រឿងញៀន បានប្រគល់ឲ្យការិយាល័យព្រហ្មទណ្ឌកំរិតធ្ងន់ផ្នែកអនុវត្តដីកាចាត់ការតាមនិតីវិធីច្បាប់ ។
ចំណែកជនសង្ស័យទាំង០៣ នាក់ទៀត ការិយាល័យជំនាញកំពុងសាកសួរ និងកសាងសុំណុំរឿងចាត់ការតាមច្បាប់ ៕ ស សារ៉េត
