សារព័ត៌មាន នគរវត្ត តែងតែនាំមុខគេជានិច្ច
ខេត្តរតនគិរី៖ ករណីគ្រោះថ្នាក់ចរាចរមួយបានកើតឡើងរវាងម៉ូតូ និងម៉ូតូបើកបរបញ្ច្រាសទិសគ្នាបណ្តាលមនុស្សម្នាក់បានរងរបួសធ្ងន់។
ហេតុការណ៍នេះបានកើតឡើងនៅវេលាម៉ោង១៥ និង ៣០នាទី ថ្ងៃព្រហស្បតិ៍ ៤រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៣ ខែឧសភា ឆ្នាំ២០១៨ នៅចំណុចផ្លូវបំបែកជាបីលើផ្លូវលំក្រាលក្រួសក្រហម ស្ថិតក្នុងភូមិកាឡែង ឃុំកាឡែង ស្រុកលំផាត់ ខេត្តរតនគិរី ។
ប្រភពពីនគបាលស្រុកលំផាត់បានឲ្យដឹងថាករណីគ្រោះថ្នាក់ចរាចរនោះកើតឡើង រវាងម៉ូតូបុកនឹងម៉ូតូ ក្នុងទិសដៅបញ្រ្ចាសទិសគ្នា(ពីត្បូងទៅជើង)បណ្តាលឲ្យមនុស្សពីរនាក់រងរបួសយ៉ាងធ្ងន់ ។
ប្រភពបន្តថា អ្នកបើកបរម៉ូតូបង្ករឈ្មោះ ថាន់ ម្យ៉ាន់ ភេទស្រីអាយុ១៨ឆ្នាំជនជាតិទំពួន មុខរបរកសិករ បើកបរម៉ូតូម៉ាកហុងដាឌ្រីមC១២៥ស៊េរីឆ្នាំ២០១៣ ពណ៌ខ្មៅពាក់ស្លាកលេខភ្នំពេញ ១BB: ២២១៦ បើកបរពីត្បូងទៅជើង (របួសធ្ងន់)មិនមានពាក់មួកសុវត្ថិភាពទេ។
ជនរងគ្រោះឈ្មោះ ឯក សុភ័ក្ត ភេទប្រុស អាយុ៣៦ឆ្នាំ ជនជាតិខ្មែរ មុខរបរកសិករបើកបរម៉ូតូម៉ាកហុងដាឌ្រីម C១២៥ ស៊េរីឆ្នាំ២០០៨ ពណ៌ខ្មៅ ពាក់ស្លាកលេខភ្នំពេញ ១AA:២៨៧៥ បើកបរពីជើងទៅត្បូង(រងរបួសធ្ងន់)មិនមានពាក់មួកសុវត្ថិភាពដែរទាំងពីរនាក់រស់នៅភូមិឃុំកើតហេតុខាងលើ ។
ហើយបច្ចុប្បន្នអ្នករងរបួសទាំង០២នាក់ត្រូវបានសាច់ញាតិបញ្ជូនទៅសង្គ្រោះនៅមន្ទីរពេទ្យបង្អែកខេត្តរតនគិរីតាមរថយន្តឯកជន។
ឯវត្ថុតាង(ម៉ូតូ)ត្រូវបានដកហូតបណ្ដោះអាសន្ន យកមករក្សាទុកនៅប៉ុស្តិ៍រដ្ឋបាលកាឡែងដើម្បីចាត់ការតាមនីតិវិធ៕ ជីវ័ន្ត
