សារព័ត៌មាន នគរវត្ត តែងតែនាំមុខគេជានិច្ច
ខេត្តកោះកុង: មានឧប្បត្តិហេតុគ្រោះថ្នាក់ចរាចរណ៍មួយកើតឡើងកាលពីវេលាម៉ោង៧យប់ ថ្ងៃ សុក្រ ១២ រោច ខែ ពិសាខ ឆ្នាំ ច សំរឹទ្ធិស័ក ព.ស. ២៥៦២ ត្រូវនឹងថ្ងៃទី១១ ខែ ឧសភា ឆ្នាំ ២០១៨ នៅចំណុច ភូមិនាងកុក ឃុំប៉ាក់ខ្លង ស្រុកមណ្ឌលសីមា ដោយម៉ូតូបុករថយន្ត បណ្តាលឲ្យរងរបួសធ្ងន់។
នគរបាលចរចរ ស្រុកមណ្ឌលសីមា បានឲ្យដឹងថា ជនរងគ្រោះឈ្មោះ ហេង សុភ័ក្រ អាយុ៤៥ឆ្នាំ ជាមន្ត្រីនគរបាលប៉ុស្តិ៍ដងទង់ ស្រុកមណ្ឌលសូមា ខេត្តខោះកុង ។
សាក្សីបានឲ្យដឹងថា មុនពេលកើតហេតុ ជនរងគ្រោះបានជិះម៉ូតូម៉ាកហុងដា ស្គូពី ពណ៌សល្បាតការពារសន្តិសុខជូនប្រជាពលរដ្ឋក្នុងមូលដ្ឋាន ហើយពេលទៅដល់ជំណុចកើតហេតុ ជាកន្លែងងងឹត ក៏បុករថយន្តដែលគេចត្រស្ងៀមបណ្តាលឲ្យដួលរងរបួសធ្ងន់តែម្តង ។
បន្ទាប់ពីកើតហេត ប្រជាពលរដ្ឋរស់នៅក្បែរនោះបានបញ្ជូនជនរងគ្រោះទៅមន្ទីរពេទ្យបង្អែកខេត្ត រីឯម៉ូតូនឹងរថយន្តត្រូវបាននគរបាលចរាចរស្រុក មណ្ឌលសីមាយកមករក្សាទុកនៅអធិការដ្ឋាននគរបាលស្រុក ដើម្បីរង់ចាំដោះស្រាយជាមួយម្ចាស់រថយន្តជាក្រោយ ៕ សហការី
