សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោក អ៊ី រិន្ទ ប្រធានលេខាធិការដ្ឋាននិងជាអ្នកនាំពាក្យសាលាដំបូងរាជធានីភ្នំពេញ ឱ្យដឹងថា លោក កូយ សៅ ចៅក្រមស៊ើបសួរសាលាដំបូងរាជធានីភ្នំពេញ សម្រេចឃុំខ្លួនឧកញ៉ា ហូ ចំរើន ដាក់ពន្ធនាគារព្រៃសជាបណ្ដោះអាសន្ន ហើយ ក្រោមការចោទប្រកាន់ពីបទគំរាមកំហែងថានឹងសម្លាប់ តាមមាត្រា២៣៣នៃក្រមព្រហ្មទណ្ឌ។
ការផ្ទុះអាវុធយ៉ាងអាណាធិបតេយ្យគំរាមក្រុមគ្រួសារនេះ កើតឡើងកាលពីថ្ងៃទី២១ ខែមេសា ឆ្នាំ២០១៨ នៅចំណុចផ្ទះវីឡាគ្មានលេខស្ថិតក្នុងភូមិព្រៃស សង្កាត់ព្រៃស ខណ្ឌដង្កោ។
ក្រោយកើតហេតុភ្លាមៗ ឧកញ៉ា ហូ ចំរើន ពុំត្រូវបានសមត្ថកិច្ចឃាត់ខ្លួនភ្លាមៗទេ រហូតមកដល់ល្ងាចថ្ងៃទី១៥ ខែឧសភា ឆ្នាំ២០១៨ ទើបមានការឃាត់ខ្លួនឧកញ៉ា ហូ ចំរើន ៕ ចេស្តា
