សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ ប្រភពពីនគរបាលឲ្យដឹងថា នៅវេលាម៉ោងជិត៨យប់ ថ្ងៃអាទិត្យ ៦កើត ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២០ ខែឧសភា ឆ្នាំ២០១៨ លើផ្លូវជាតិលេខ៤ ត្រង់ចំណុច ជិតរោងចក្រញូស្តារស្ថិតនៅក្នុងភូមិ១ សង្កាត់លេខ១ ក្រុងព្រះសីហនុ ខេត្តព្រះសីហនុ មានករណីគ្រោះថ្នាក់ចរាចរណ៍មួយកើតឡើង រវាង ម៉ូតូ០១គ្រឿងជិះគ្នាចំនួន២នាក់ មានទិសដៅចូលមក ក្រុងព្រះសីហនុ លុះដល់ចំណុចខាងលើក៏បុកពីខាងក្រោយរថយន្តធុនធំ ០១គ្រឿងដែលខូចឈប់ចតនៅជាយផ្លូវ ទិសដៅស្របគ្នា បណ្ដាលឲ្យភាគីខាងម៉ូតូស្លាប់ម្នាក់នៅនឹងកន្លែងកើតហេតុ និង ម្នាក់ទៀតរងរបួសធ្ងន់ បានបញ្ជូនទៅសង្គ្រោះនៅគ្លីនិកមិត្តភាព ។
ប្រភពដដែលបានឲ្យដឹងថា អ្នកបើកបរម៉ូតូឈ្មោះ ថន ឃៀង ភេទប្រុស បានស្លាប់ក្រោយពេលបញ្ជូនទៅគ្លីនិច ២ ឈ្មោះ បាន់ ទិត ភេទប្រុស អ្នករួមដំណើររងរបួសធ្ងន់ ។
រីឯវត្ថុតាងរថយន្ត និង ម៉ូតូ បានយកមករក្សាទុកនៅការិយាល័យនគរបាលចរាចរណ៍ផ្លូវគោក ។ ភ្លាមៗ សមត្ថកិច្ចមិនទាន់ដឹងពីអត្តសញ្ញាណជនរងគ្រោះ និងភាគីខាងរថយន្តនៅឡើយទេ ៕ ឆ្លាម សមុទ្រ
